講起荃灣最近期最新熱點，大家都會講IKEA回歸荃灣！ 行街之前當然要填飽個肚，有氣有力慢慢行！ 喜歡小店既你，如果唔想食商場餐廳， 想平平地食餐有質素既平餐，過條天橋去福來村就有好野食啦！ 依間越南餐廳呀妹食過一次讚讚讚~ 越南野，香茅豬扒當然係必食架啦！ 肉質係屬於比較軟身，我本人很喜歡， 雖然香茅味不算很濃烈， 但配合蔥油，整體是不錯的！ 個人很推薦燒豬頸肉撈檬！ Bu 食過好多餐廳既豬頸肉都是薄薄一片的！豬肉紙咁款～ 但！依碟豬頸肉好正， 有少少厚度得黎，一咬就開！ 感覺唔係落左好多調味，好香～ 撈檬粉佢地都好有誠意， 個底生菜絲 ＆ 青瓜絲都有， 加埋有味蘿白絲 蔥油 花生碎 等等 非常開胃！ 食完好有罪惡感既牛油雞翼！ 蝦餅感覺很撲素， Bu覺得表現一般，略嫌唔夠彈牙～ 但Bu妹妹對蝦餅大讚，話夠曬香～ 所以話，食物味道真係好個人意見！ 食過既朋友都不妨留言比下意見 HAHAHA 登｀登｀登～～～ 我大大力推薦依個"追加小食" 午餐加＄15 就有一份酸辣鳳爪 ！ 一碟有4-5隻 有2隻仲要大大隻添呀！ Bu係極愛酸辣鳳爪， 出面好多泰國餐廳收你幾十蚊都係比得個幾隻你！ 開心到不得了，又入味又好食！ ＄15 一份，如果你都鐘意食鳳爪係無理由唔加佢！ 另外， 我好欣賞佢地選用既器皿， 好靚 一睇成個感覺係好精神乾淨！ 但餐廳始終係小店， 座位比較迫 裝潢簡單 ， 簡簡單單食個飯就走， 唔係比人慢慢傾計談心既好地方！ 最後啦～ 性價比 依家野～無圖無真相！ 餐廳名同位置可以係Ig搵到！
