2017.9.29 同鐵朋去覓食！ 忽然記起今日有新開"一人邊爐"！ 立即搭地鐵飛去波鞋街試試！ 鐵朋（可解鐵人：因為佢唔駛點訓交，鐵人28咁款； 又可解鐵腳：因為相識超過15年！去邊都有佢！） 本來擔心好多人， 但可能因為今日係第一日正式開業， 暫時未有太多網站／雜誌介紹， 我地係門口等左10分鐘左右就有位！ 太幸運！ 先拎張宣傳單張睇睇， 淨係湯底都有30款， 一眼比「卡邦尼湯」吸引住！ 好想試！ 入座前店員會先為你下「湯底」單！ OMG～ 原來湯底一共有30款， 但每日只提供約10款大家選擇！ 我選中的卡邦尼是日沒有提供＞＜ 少少失望！ 朋友選了養生湯， 情急下本來選昆布湯， 但鐵朋說應該要選一個與別不同的嘗試嘗試！ 好吧～一個「水仙茶湯」！ 夠特別吧～～ 點擊圖片放大 （一張宣傳單張上清楚有齊食物種類及價錢！夠曬清楚！） 食物快速送遞你面前！ 吧檯設計， 獨樂一族最愛！ 可惜今次未能一試， 2人被安排坐卡位！ 卡位最多坐4個人， 座位很舒適。 卡位一樣有平板電腦比你自助落單！ 一人一煲， 自己食物自己落自己食， 不用「呀～邊個食左我粒丸」 「我隻蠔唔記得食變左蠔豉啦」 「淨係想要麵，好難夾呀咁多菜」 個煲仔細細好快滾， 輕輕鬆鬆打邊爐！正！ 養生湯底：中規中矩，穩陣之選 水仙湯底：刻意在落食物前先飲一啖， 聞落水仙味好香， 飲落係咸的，應該係水仙加鹽， 打邊爐，其實食物都會有一股淡淡水仙香味。 但如果會點鼓油／醬食既朋友， 那股水仙香氣就會好輕易被掩蓋掉。 $58半邊龍蝦！ 我見附近既檯都有叫。 丸類有驚喜！ 平時打邊爐通常我與朋友們都是食肉獸上身， 感覺丸自己買返屋企平時煮公仔面都得， 打邊爐唔好食丸佔「胃」置！ 但今次偏偏叫左幾款丸食， 單聽個名都夠曬吸引， 左上：墨汁墨魚丸 右上：牛肉芝心丸 左下：麻辣湯包丸 右下：黃金魚籽球 的確係出色！ 很流心，很夠味，湯包中的確有湯！ 雖然都係入貨， 應該唔會係自家手工做， 但要明白，入貨都係一門學問呀！ 上圖：客家叛條 下圖：韓國拉麵 只有半片， 中間破開一半破得如此完整， 都好考功夫！哈哈！ 有朋友說$18 兩粒丸／幾十蚊牛肉 都唔平呀！ 或者換個思考方式， 一個人想打邊爐， 想食得比較好，比較特別， 又有海鮮又多食物選擇， 每樣只需食1-2塊，份量剛剛好， 值得一試！ 獨樂也可以很享受！
