（順便介紹一下，陪我攤屍既愛貓：Oppa） （IG：oppa＿meow） （鐘意貓既朋友歡迎大家交流一下！） 你要知道懶人開BLOG需要花很多時間，懶人還懶人，但做事還是有少少少少要求既！ 事先聲明，第一篇唔知會唔會變成最後一篇架 ～～～ 開BLOG原因 以前中學時愛玩XANGA，當寫日記，每日紀錄返學爆笑事件。 當年有唔少同學打XANGA既字仲多過做功課既字， 水蛇春咁長。 畢業冊大家都係係咁易節錄幾篇精選出黎，是但一篇都可以笑死人⋯⋯ 紀錄生活，很久沒有做這樣做了。 闊別中學生活已經十年了，突然覺得，沒有紀錄，總係覺得唔知自己做過乜咁。 你可以話有FACEBOOK，仲有「當年今日」功能做溫馨提示比你翻POST一次「原來已經過左XX年啦～」，但通常都只係相片／人物／加幾句精選文字，總係覺得唔完整。 是時候改變一下！ 懶人Bu突然有咁既有想法。 雖然我明白「堅持」「耐性」係我依個懶人身上比較少見，但我仍然想嘗試改變一下 ！ 呀～唔記得講 ！除左「懶」可以形容我之外， 「超級矛盾症」、「忽然熱血症」、「間歇性自閉症」等等，懶人Bu間中會有以上既病發作下！ 希望寫BLOG可以醫返好我依個咁鬼多病 兼 長期病患既懶人！
