轉季天氣又到啦，氣溫時低時高，皮膚都會受到溫度變化影響，特別係呢種轉季天氣，皮膚狀態都會比較唔穩定，容易生敏感粒粒，有時都幾令人煩燥。所以呢D時候我都會好小心用護膚品，一般用D成分較溫和同埋唔會有太多功能，最簡單有補濕功能就足夠，盡量將對皮膚的刺激度減到最低。 今日我就同大家分享下依家日頭用緊既轉季面霜 – ILLIYOON Hyaluronic Moisture Cream透明質酸補濕面霜。我平時沖完涼都會用ILLIYOON既身體保濕乳搽身，佢分左好幾種唔同補濕程度的保濕乳，可以根據季節同乾燥程度選用唔同款，用左都好一段時間，我鐘意呢個牌子既原因好簡單，就係佢好強調溫和不刺激，幾乎全部產品都唔會有動物成分、色素、人工香料同磺物油等等，而且佢果幾款身體保濕乳係面同身都搽得，BB都可以用。 不過我就好少用佢既身體lotion搽面，知佢有出面霜，而且價錢好平，份量又多，足足有100ml，係一般面霜50ml既double，所以即係買黎試！佢標示有6-FREE System，即無包含6種常見會刺激皮膚既成分/化學物，力求以最低刺激度呵護肌膚。佢主要成分係透明質酸鈉、綠茶籽油同韓方草藥成分，透明質酸係天然既保濕因子，本身人體已存在，但會流失，佢既特點係可以吸收等同自身重量1000倍既水分，補濕力好強勁。綠茶籽油就再進一步成肌膚補濕，而且仲有抗氧功效。韓方草藥成分主要係舒緩肌膚，穩定皮膚狀態。 佢質地係Gel狀，易推易吸收，吸收後唔會有黏膩感，佢補濕程度介乎係中間，雖然算清爽，但都有一定補濕度，又唔刺激，依家轉季用就岩岩好。除左轉季岩用外，有時皮膚唔穩定、敏感、曬後等等，我都會用佢，好快令到皮膚鎮靜穩定。 但到夜晚因皮膚流失水分會多D，所以轉季時我一般會係日頭用ILLIYOON透明質酸補濕面霜，夜晚就會轉另一款再補濕D既面霜，，下次再同大家分享！
