之前分享過護膚第一步亦係最重要既一步就係「清潔」，如果大家都有乖乖聽我講做好第一步，咁第二步應該做咩呢？就係「保濕」啦！不論你係油性、乾性、混合性、外油內乾都需要保濕，維持水油平衡、減少皺紋、避免肌膚枯黃衰老。我作為懶人既代表，日常既護膚程序只有4步 -「清潔」-->「爽膚水」-->「精華」-->「面霜」，呢4步基本上缺一不可，就算懶都唔可以Skip，因為每個步驟次序都有其獨有既功能。之前同大家分享左我用緊既清潔產品，今次我會同大家分享下我揀「爽膚水」既心得。有D人會覺得爽膚水好似可有可冇咁，保濕力又唔係好勁，唔知有咩作用，會跳過呢個步驟直接進入「精華」階段。但其實爽膚水係好重要，除左為潔面後既肌膚即時補充水分外，亦可作為二次清潔、調理角質、提升肌膚吸收後續護膚品既能力，所以作為潔面後既第一步，亦係為肌膚進行「保濕」既第一步，絕不能馬虎。我自己會因應季節或肌膚狀態而選用唔同既爽膚水，唔會用死一款，所以屋企會準備定2-3款唔同功能質感既爽膚水。如果果段時間肌膚狀態唔太好，容易生痘痘，我會用有消炎鎮靜功能既爽膚水，之前有用含艾草成分既爽膚水，質感清爽，有助消炎降紅。如果天氣比較乾或轉季我會較補濕同有舒緩作用既爽膚水。最近接近轉季階段，天氣時笠時乾，我本身肌膚都算較敏感，轉季既時候肌膚都會比較脆弱，容易發紅受外界環境刺激，甘岩最近呢2個月都用緊Laundryou既潔面產品，知道佢出左款爽膚水，叫Laundryou理膚舒緩固態噴霧，所以就買埋返黎試下:p 開頭見到個名寫住「固態」覺得好新奇，固態點噴霧XD，見到真身之後，見到入面真係唔係液體，係好似啫喱固態狀咁，粉紅色，好少女啊XD 經過噴嘴噴出後就會變成細緻水霧。後來睇返佢介紹，原來做成固態係有原因既，固態是最穩定既物質形式，將有效成分規律地排列成穩定型態，令肌膚更容易吸收營養，好似膠水咁加強肌膚保護屏障，佢個賣點除左係密集幫你肌膚補水外，就係加強肌膚既防禦系統，呢點對於我咁敏感脆弱既肌膚黎講係好重要，正所謂預防勝於治療，只要打好個底，免卻好多肌膚問題煩惱。 洗完面後均勻噴塊面同頸，噴上去個感覺涼涼地好舒服，而且肌膚即時Feel到補濕感高左，就好似密集咁泵水落肌膚，佢入面冇加任何人工色素或香料，完全冇刺激感，佢仲有抑菌功能，岩晒我呢D敏感混合性肌膚，同埋噴完後，之後用精華好似真係吸收得好D。噴霧式設計既好處係除左平時早晚洗完面後用之外，平時有需要都可以隨時隨地用，方便快捷。因為幾好用，所以我另外買多左枝放係Ofiice，Office D冷氣都偏凍，又乾，依家仲要成日戴住口罩，焗到塊面既水分都蒸發晒，更加乾燥，有同事都會放加濕器係度等皮膚冇咁乾，我就放左Laundryou理膚舒緩固態噴霧係枱頭，間唔中就噴一噴塊面，塊面真係冇咁易乾，又唔會咁易乾到出油，而且仲要唔會影響個妝，就算有化妝都可以照噴，塊面夠補濕個妝都貼服D！如進行戶外活動時，都可以有需要噴一噴，為肌膚降溫降紅，消除熱感不適。唔知大家揀岩屬於自己既爽膚水未呢，我就幾滿意呢枝Laundryou理膚舒緩固態噴霧，佢都算係一枝1年四季都岩用既爽膚水，不過去到冬天或再乾D既天氣我可能會用另一款再補濕D既爽膚水加強補濕，但以目前既肌膚狀態同天氣黎講，佢暫時係最適合我😊 因為佢冇加到人工色素，所以如果你放係燈光下/日光下，佢會慢慢由粉紅色變為透明色，但並唔影響佢既功能。我屋企果枝冇乜變色，不過Ofiice果枝因為有好多燈光，所以我放左2-3日後枝噴霧就褪左色:P 用到最後淨返少少果陣，因為係固態，吸管會吸唔到，要搖一搖先可以噴到出黎，雖然用到最後有D唔方便，但睇在佢幾好用既份上，我就原諒佢啦，哈哈XD
