話說之前試左Laundryou既潔面泡沫凝膠強力款既試用裝後，對佢愛不釋手，可惜只有2包試用裝，用左3-4日已經冇晒啦，所以之後走去買埋佢既強力款！買既時候，店員認得我之前買過溫和款，所以今次好好甘送左枝Laundryou既毛孔潔面刷俾我啊！ 開頭就甘睇個樣我仲以為佢係一枝牙刷，上面仲抵死甘寫住「我不是牙刷」XD原來係一枝毛孔潔面刷，店員話可以用黎重點清潔鼻翼兩側、T字位同埋下巴位置，D刷毛摸上手好柔軟好舒服。 返到去夜晚即係試下用佢同枝洗面一齊用，店員係教我先將潔面刷濕水，然後倒少少laundryou潔面泡沫凝膠落潔面刷度，然後係塊面輕輕打圈按摩進行清潔。之後我試左另一方法，先用手將潔面凝膠加水起泡上面先，然後再用毛孔潔面刷係D重點位打圈按摩清潔。兩種方法既清潔力都一樣既，不過我個人就鐘意後者既方法，因為好似多D泡開心D，哈哈！ 講一講上面既感覺，其實真係一D都唔吉！我皮膚係比較敏感，好易紅，曾經買過電動潔面刷，諗住清潔得好D，摸上手D毛還可以，但一上面就即係頂唔順，又吉又唔舒服，用完塊面仲紅到一忽忽，怕左，所以好耐都唔敢試其他潔面工具輔助洗面。但呢枝Laundryou毛孔潔面刷就完全唔同，用上面同摸上手一樣都係甘柔軟甘舒服，刷完塊面又唔會紅，用既時候唔洗好大力刷，輕輕力向同一方向打圈就得，可以將毛孔入邊D好微細既塵粒污染物清出黎，而且佢細細枝好似牙刷甘，易揸手，D毛又好柔軟，可以刷到好微細既部位，特別係鼻翼兩邊，平時用手指甘粗好難捽得甘深入，好易積D污糟野粉刺仔係度。 但千奇唔好諗住用完呢枝毛孔潔面刷你D黑頭粉刺就會冇晒，跟住又大大力甘刷塊面，甘做可能會傷到皮膚架！Laundryou既毛孔潔面刷主要係清理平時用手好難接觸到或洗到既部位，清走D好微細既污糟野，以免積聚堵塞毛孔，引致頑固黑頭粉刺痘痘等等。好細既粉刺仔都有機會清除到，但如果已經係大大粒/積左好耐既黑頭，最好都係用返去黑頭產品或做深層清潔先，軟化左就會易D清理。 我本身鼻既毛孔都算幾粗大(都怪我年青時懶保養導致既惡果)，好易積聚左D油脂/廢物係度，但用左Laundryou既潔面泡沫凝膠同毛孔潔面刷大約個幾月後，確實D黑頭冇返得甘密甘多，而且唔會積到變大大粒。我通常隔幾日就會用一次毛孔潔面刷協助洗面，當係大掃除甘，唔洗用得太密，1星期用2次左右其實都好夠，同埋衛生起見，最好定期替換，大約2-3個月換過枝新既，視乎你用得幾密，而且價錢唔貴，可以買定幾枝隨時有得替換。 Laundryou呢個牌子真係幾有趣，繼「我不是漱口水」既潔面泡沫凝膠後，仲有枝「我不是牙刷」既毛孔潔面刷，包裝可愛之餘，最緊要係有料到！XD我仲試緊佢其他產品，下次再同大家開心Share！
