對我來講，護膚最重要既一步並唔係查咩幾靚幾貴既護膚品，而係清潔！如果清潔步驟做得馬虎或者清潔產品力度不足，面部表面會推積住厚厚老舊角質，毛孔亦會被污垢廢物堵塞，影響皮膚對護膚品既吸收力，即使之後查D好靚好貴既護膚品，都只會係浪費，而且仲會造成唔同既肌膚問題，例如痘痘、黑頭粉刺、暗粒等。我係過來人，曾懶於護理面部肌膚，洗面都係求其洗，到肌膚問題愈來愈嚴重時再去補救，係要花上大量的時間甚至大量的金錢，我都交左唔少學費及青春 >< 所以相信我，要皮膚靚靚健康，首先一定要做好清潔、清潔、清潔！特別係有化妝既你，絕對不能夠馬虎！之前用開韓國某品牌的啫哩泡沫潔面，效果唔錯，用左差唔多兩年，但後來它改版後，質感偏補濕同埋清潔力好似差左，所以冇再用啦。好彩2個月前俾我發現左款新洗面，都係韓國出既，佢既外形有D似漱口水，都幾有趣，睇佢產品介紹好似幾好，抗菌力高達99.9%，潔淨力又超強，價錢亦中等，所以買左黎試下，果然一試難忘，哈哈！呢款洗面係韓國新品牌 Laundryou 既出品，最近進駐左香港，佢出左兩款洗面，一款係Clean Face Gargle Gel-to-Foam Cleanser Strong漱漱臉潔面泡沫凝膠 強力款，另一款就係Mild溫和款。一開始因為未試過，唔想買晒兩款，正當我心大心細諗緊試邊款時，店員話呢個牌子出左強力款既試用裝，所以我就決定買溫和款啦，而店員就送左2包強力款試用裝俾我，甘就可以1枝洗面價錢試晒兩款，正😊 夜晚返到屋企急不及待即係試下，因為出左成日街，又長時間戴住口罩，塊面出晒油又痴左好多污糟野，所以我決定試下佢個強力款先，感覺好似清潔得勁D XD！雖然佢1包細細包，但我一次都用唔晒，可以分兩次用。首先整濕塊面先，我倒大約1蚊銀既份量出黎，本身係凝膠gel狀，加水然後搓大約5-10秒起晒泡，就可以開始洗面啦。 第一下上面果陣我「嘩」左聲，真係好漱口水啊，真係Face Gargle，哈哈！買果陣店員已經同我講過呢款洗面加左薄荷醇成分幫皮膚降溫，所以洗既時候會有涼涼地既感覺，只要避開眼周就得。果然，我一邊洗面一邊感受住薄荷既清涼感，雖然講真第一下真係俾佢嚇一嚇，因為以前未試過甘既感覺，但洗洗下習慣後係會上癮XD 本身塊面俾口罩焗左成日，又紅又唔舒服，但用左佢強力款洗面後，塊面即刻涼返晒，降晒紅，而且皮膚仲白淨左，最緊要係佢真係洗得好乾淨！可能大家都曾經過試過洗完面後，用化妝棉抹面時仲會抹出黃黃地灰灰地既污糟野出黎，但Laundryou呢款洗面洗完後係非常乾淨，唔會再抹到黃黃地既污糟野，而且成個感覺係好清新好清爽，對毛孔收縮都有少少幫助！重點係佢洗得乾淨之餘唔乾！我曾經都試過某D好清爽既洗面，但皮膚會乾會有種繃緊既感覺，但呢款一D都唔乾，我係混合性肌膚，對我黎講岩岩好，好舒服，真係用一次已經愛上左佢！ 到左第日朝早，我就試左佢既溫和款，用法一樣，都係加水起泡，上面既時候都係會有涼涼地既感覺，但佢果種薄荷涼比強力款輕微，唔會好勁，又或者可能係前一晚感受左強力款既清涼威力，所以之後用溫和款完全習慣晒！溫和款既清潔力同樣出色，洗完塊面都會白淨D，而且唔會再抹到D黃黃地既污糟野出黎，又唔會抽乾皮膚水分，掂！ 試用左幾日後我就買埋佢枝強力款，呢兩款Laundryou潔面泡沫凝膠我都好滿意，甚至稱得上係我用過最好既潔面產品之一！總括黎講兩款洗面既清潔力都好出色，保濕度亦唔差，而且你會感受到吸收後續護膚品既能力係好左！溫和款並唔係指佢清潔力差D，而係佢既清涼感會少D，佢對皮膚既刺激度係接近0，主要幫皮膚做清潔同維持水油平衡，最適合朝早訓醒用；而強力款既清涼感會強少少，我就覺得去油脂既能力再勁D，感覺再清爽D，好似幫皮膚做深層清潔甘，最岩夜晚用，洗走面部累積左成日既污垢廢物油脂！ 所以我好推薦俾身邊既朋友，無論係乾性、油性、混合性、痘痘肌抑或敏感肌都岩用，依家我成家都跟我同緊Laundryou既洗面XD一開頭的確會有部分人唔太習慣佢既薄荷清涼感，但用多幾次後，你絕對會用上癮，依家我用慣左後就算冇刻意避開眼周都冇問題，唔會有不適既感覺😊建議怕薄荷涼既朋友第一次可先試用溫和款，之後再體驗強力款，習慣後可以學我甘，早上用溫和款，晚上用強力款！真心呢兩款洗面令我愛上左Laundryou呢個牌子，佢暫時出左5款產品，據我所知黎緊會陸續推出新產品，等我慢慢試下佢其他產品，再同大家分享啦！大家一齊黎漱漱面啦！哈哈！
