只要一說到燒咖哩這個食物的名字,就一定會想起門司港,絕對係一款當地很獨特,亦是在全日本也很少會搵到的美食。在門司港會搵到好多燒咖哩店,而在芸芸眾多的餐廳之中,Bear Fruits絕對係當中名氣最大的專門店之一,連日本女明星上戶彩也曾經在電視上面推薦過,所以想來的話要有心理準備可能要排下隊啦。 餐廳係JR門司港站對面約10秒步行距離,橙色的外牆很搶眼。佢開11點,我11點10分來到的時候,餐廳已經滿席,大約需要等2至3張枱先到,幸好門外有提供座位可以坐住等。另外,呢到應該都有提供外賣服務,如果時間唔許可等的話,可以試下買外賣。 點擊圖片放大 +3 大約等左20分鐘就入得去了,入到去就發現這間餐廳無論係本地人還是遊客都有,絕對唔會係一啲只會得遊客光顧的餐廳。內裡座位唔係好多,約有2x個,但都唔會話坐到好迫。 坐低第一時間就係睇menu,雖然佢都有提供普通既咖哩飯、意粉、蛋包飯等等,但枱枱都係叫燒咖哩,燒咖哩可以散叫或是套餐,套餐就多左啲沙律、湯、飲品嗰啲,另外無論係散叫定套餐亦可以加大,只需要加多200Yen,男士嫌份量唔夠可以加大。枱上面放有餐廳自家製的咖哩粉,覺得唔夠辣唔夠香可以再加上去,試過喜歡的話,亦可以當手信買走。 點擊圖片放大 +4 今次試左兩款燒咖哩,一款係每日數量限定的,加左牛肉既燒咖哩(1050Yen),而另一款係店內人氣no.1的普通燒咖哩(850Yen)。兩者上枱賣相差不多,份量唔係好大,食落去其實係焗左既咖哩飯,聞落去好香咖哩味,上層還舖左一層芝士,中間還有一隻流心蛋,撈均來吃會中和返咖哩既辣度,連埋拉絲既芝士吃超邪惡!咖哩帶點微辣,我不太吃到辣的,但還是吃得很過癮,是在日本比較少吃到的風味。 點擊圖片放大 +3 結帳嗰陣,只要將枱上的卡拎出去收銀處就得,今次是幸福no.7,希望食完之後真的可以帶來好運啦,哈哈。來到門司港,記得來試下這款獨特的美食喔! 推薦指數:★★★☆ 抵吃指數:★★★ 地址:福岡県北九州市門司区西海岸1-4-7 門司港センタービル1F 營業時間:星期日至四 11:00-22:00(L.O. 21:30)星期五、四及假期 11:00-23:00(L.O. 22:30) 網址:http://bearfruits.jp/ 「立」即去旅遊已經係Facebook開左專頁和Instagram啦! IG:lapstravel https://www.facebook.com/lapstravel/