Red Rock是近年在日本大受歡迎專門吃牛肉丼的餐廳，佢最大嘅特色就係堆到成座山咁高嘅牛肉，但價錢就非常實惠，喺東京常常大排長龍，而我今次去的分店位處於美國村一帶，就在心斎橋Dormy Inn嘅斜對面，門口一派西式風格，人地的話就可能需要排於餐廳外。另外，店內係有最低消費，每一位客人最少要order一樣食物或者一杯飲品，如果會用到酒吧枱，就需要收多200 Yen。 點擊圖片放大 +2 Menu有中英日文對照，某幾款丼的size有並和大可以揀，牛肉有來自美國的，亦有在日本出產的，選了自己想吃的就可以在門外的售票機購票，然後再入餐廳將票遞給店員，像平時日本的拉麵店一樣。內裏的裝修風格也一派西式酒吧模樣，一副成年人的感覺～即使唔係坐酒吧枱，但每一張枱都係坐酒吧凳，坐得高高的。 點擊圖片放大 今次叫左兩碗並size的牛肉丼，一款牛肉來自美國（880Yen），而一款則是日本產的黑毛和牛（1600Yen）。老實說，其實之前來日本去旅行的時候都有計劃過來這間餐廳試一下牛肉丼，但每一次見到碗飯血淋淋嘅樣，都令我縮沙而冇食到，哈哈。上枱嗰陣依然都係覺得半生半熟的牛肉好血淋淋，上面有層酸忌廉醬汁和生雞蛋，食嗰陣就將佢哋攪勻。 事實上一放入口，味道比賣相和想像中好，牛肉的口感好柔軟，配合生雞蛋之後又好滑，而酸忌廉汁和那些伴碟的菜又剛好中和成碗飯嘅油膩感，加埋黑椒提升了牛肉的惹味程度，這碗丼其實係幾多好食既，唔會話食到成口血腥味。至於兩種牛肉有什麼分別，黑毛和牛口感柔軟點而美國牛就韌一點，一睇就分得到（上圖是黑毛和牛，下圖是美國牛）個人覺得黑毛和牛好食點，建議點這個好點～另外，佢還有一款係牛扒丼來的，有機會的話就下次再試過啦！ 推薦指數：★★★☆ 抵吃指數：★★★★ 地址：大阪府大阪市中央区西心斎橋2-10-21 スパジオビルディング1 (ニトリ アメリカ村店前) [其他分店詳看官網] 營業時間：11:00-23:00(Last Order 22:30) 網址：http://www.redrock-kobebeef.com/ 「立」即去旅遊已經係Facebook開左專頁喇！ 歡迎大家去比個like丫！ https://www.facebook.com/lapstravel/ IG：lapstravel
