今次來到京都最期待的就是來到這間京洋菓子司jouvencelle,一早已經列入了我的必吃名單之一,佢所處地點其實很好找的,就在熱門的八坂神社側門旁邊大約一分鐘左右的路程,不過因為它位處二樓,入去的門口很細而且又低調,一不留神就很容易錯過了,所以記得認住它們門口的綠色布掛,行入去搭上2樓就可以了。 點擊圖片放大 +3 事先網上做了功課,知道它是人氣排長龍店來的,所以我也不敢怠慢,在它剛開門不久就來到了,再加上是日下雨,幸運地一來到就被安排入座,但也差不多是最後一、兩張枱,所以如果想來的話,絕對要盡早一點!餐廳走的是簡約舒服裝修風格,被安排坐在窗邊一邊吃一邊望著古街,感覺很寫意的。 首先睇下menu,雖然佢唔係傳統抹茶老字號品牌,但就有一樣抹茶甜品非常令人吸引,就是招牌作品抹茶朱古力鍋啦!(1512Yen),基本上見到每一枱食客都有點這一款甜品,而且這款抹茶朱古力鍋係每日數量有限,售完即止,想吃就真係要盡早。除此之外就是提供的蛋糕類別,而佢哋嘅人氣no.1係一款以竹葉包著的芝士蛋糕,還有一些季節限定甜品等,至於蛋糕類連飲品一起的套餐就1026Yen。 點擊圖片放大 +2 咁早來到當然就係為左招牌作品同人氣no.1啦,首先上枱嘅就係人氣no.1既芝士蛋糕啦!呢款蛋糕名叫さがの路,賣相真係好優雅又有幾分詩意,解開竹葉之後,最高一層的是抹茶糯米皮,而中間則是芝士慕絲,最底就係濕潤的蛋糕,芝士慕絲包着的有抹茶糯米丸子再包著紅豆餡和柚子味的大福餅,令成個蛋糕甜而不膩,帶了一點輕盈的感覺,整個蛋糕的層次豐富多變,係一款無論是賣相還是味道都是一應俱全的甜品!再配上帶點酸澀的西柚汁,整個套餐平衡點做得很足。 至於今次的重點抹茶朱古力鍋,上枱嗰陣係用一個兩層既瓷器盒子盛著食材,賣相精緻優雅,像個首飾盒一樣,而另外那杯就是抹茶朱古力醬,不過記得千祈唔好用晒啲抹茶朱古力醬,要留返少少最後用! 一打開就會見到當季的時令食材,一層係水果類別的,有香蕉、士多啤梨、番薯、柑和透明的是葛餅;另一層是和式點心類,有抹茶蛋糕、芝士蛋糕、燒丸子、栗子和白色糯米卷(佢包著的是類似香葉般的東西,也頗好吃的)。基本上每一款食材都和抹茶朱古力醬很夾,當中較特別的有葛餅,佢本身冇咩味,口感煙煙韌韌,但就好掛醬,最食得出抹茶朱古力醬既味!整體上,每種食材點左醬之後,由有酸有甜亦有些燒烤味,每一種配搭也有新的味道出來,味道層次豐富。 點擊圖片放大 剛剛說了留下一點抹茶醬最後先用,因為可以叫店員倒牛奶進去,這樣就會變成抹茶牛奶了!又香濃又滑,真係畫龍點睛,劃上了完美的句號。臨走前,可以在門口位置買些蛋糕或是手信走,慢慢返去回味或是和朋友分享一下。 點擊圖片放大 +2 記得要吃抹茶朱古力鍋的話就要早點來,賣晒就冇㗎啦! 推薦指數:★★★★☆ 抵吃指數:★★★★ 地址:京都市東山区八坂鳥居前南入清井町482 京ばんビル2F 營業時間:10:00-18:00 網址:http://jouvencelle.jp/ 「立」即去旅遊已經係Facebook開左專頁喇! 歡迎大家去比個like丫! https://www.facebook.com/lapstravel/ IG:lapstravel