自從Shari Shari Kakkgori House 氷屋開幕以來,一直都好想去試下,因為這裡標榜的是從日本進口的冰所製成的刨冰,身為日本人的老闆想一絲不苟的還原日本的味道,加上香港比較少地方有提供到日式刨冰,終於今日來到幫襯啦!接近傍晚時間來到,所以人唔係好多,唔使排隊就直接入去~ 點擊圖片放大 內裡座位大約有1x個,所以人多既話,的確有可能係要排隊,裝修就簡約風格,擺放左一啲日式小擺設同少少書籍,氣氛感覺悠閒。 再睇下menu,刨冰價錢大約由$7x-9x,一些和菓子或蛋糕類別的tea set則$5x-7x,以甜品價錢來說算是中上(留意每人有最低消費$35),而叫任何刨冰的話,只要加錢就可以加一款甜點。刨冰款式都幾多,仲會有期間限定款式,刨冰亦可以另加一些toppings,砌出自己心水的刨冰。 今次就叫左草莓special味($78)再加了一個北海道芝士梳乎厘(+$25),根據店內提供的指示,share是可以的但就不要另外用碗和杯share,因為冰係好快溶,以及影完相就好20秒內食。一杯刨冰的份量其實好多,上枱嗰陣勁大杯,勁驚佢會塌下來,但慢慢順住刮刮下其實唔會跌的。呢杯刨冰有新鮮士多啤梨、忌廉和特製既士多啤梨奶醬,而食落口的口感係意想唔到咁滑,完全唔會食到任何冰粒!而聽講如果控制到冰的溫度,食既時候係唔會頭痛既,而呢杯就係唔會食到人頭痛!即使放左落口溶成水,但其實感覺又唔係好似飲咁水,士多啤梨奶醬又甜又香士多啤梨味,食完唔會好飽好膩仲好fresh添!真係好好味!除了出面層士多啤梨奶醬外,食到中間位都有的!至於芝士梳就好輕身,但芝士味就唔算太濃,份量比較細,雖然好吃但性價比就爭了一點。 點擊圖片放大 如果夏天來吃一杯刨冰,感覺應該會很爽的!另外,在中環也有其分店,有興趣可以去睇下~ 推薦指數:★★★★ 抵吃指數:★★★ 地址:銅鑼灣希雲街14號地舖 分店:中環蘇豪士丹頓街47號地舗 營業時間:13:00-23:00 分店: 14:00-23:00 電話:2529 1223 分店:2661 2347 「立」即去旅遊已經係Facebook開左專頁同Instagram喇! 歡迎大家去比個like丫! https://www.facebook.com/lapstravel/ IG:lapstravel