如果有留意過大台係2016年由杜小姐做主持既旅遊節目,一定會對今次這間天ぷら大吉有很大印象,因為當時介紹佢最大既特色,就係將飲完蜆肉味噌湯既蜆殼直接扔落去餐廳既地下!除此呢樣就唔係好記得佢仲有乜特別,但今次幫襯完之後就記得,其實佢係一間大件夾抵食既天婦羅店!係難波沿著Namba City行很容易搵到,不過餐廳一帶係比較靜,但來的時候門口已經有當地人等緊位,好彩唔使等好耐~ 這裡絕對係平民食堂,去到既時候接近八成都係日本人,而且大家都言談甚歡,完全唔似平日比較拘束既感覺!餐廳有吧枱亦有座位,美中不足係不設禁煙區,幸好當天被安排坐在比較單獨的普通位才遠離了一點煙味。而其實一踏入餐廳,踩在地上就已經會聽到「㗳㗳」聲......是的,那些就是著名的蜆殼!踩在殼上感覺好有趣又好奇妙,因為一想到是別人食淨才扔在地上就......Anyway,餐廳每晚都會搵人清理的,所以感覺還好,而且這裡也有很多名人光顧過,食物質素是有保證的。 基本上所有東西也是自助的,斟水、枱上一壺暖壺裝著的天婦羅汁、碗筷都是自己一腳踢的,唯獨是食物拎上枱時會有店員遞上。看一看由日本和英文構成的menu,款式也是相當多,由110Yen到310Yen不等,最平的蔬菜類再到海鮮和肉類都一應俱全有幾十款,價錢絕對係大眾化!可以叫套餐亦可以散叫,將想食的自己寫落單到,然後交給職員就可以慢慢等食。 點擊圖片放大 而我一共叫左8款天婦羅、2碗細白飯和一碗傳聞中的蜆肉味噌湯,想一試扔蜆殼既滋味!有穴子(海鰻)、大海蝦、海老(蝦)、帆立貝、獅子狗、芝士、蟹棒和蓮藕,即叫即炸一大盤上枱非常震撼!每一種天婦羅雖然未去到高級天婦羅餐廳那種炸漿薄薄,而且油左少少,但這個價錢配合這質素的食材,性價比超高,難怪成為大阪人心目中的食堂之一。個人覺得必點的是大海蝦天婦羅,一咬下去是脆脆的「咯咯」聲,然後蝦肉非常彈牙爽甜啖啖肉,再啜埋啲蝦膏,真係滋味無窮!另外亦都要試吓穴子,又係大大舊而且炸完之後肉質依然很鮮嫩,充滿魚油香~ 點擊圖片放大 +3 美中不足的是帆立貝和芝士,因為帆立貝炸完之後慢慢開始出水,令到炸漿外層濕咗,搞到口感怪怪地,看看盤天婦羅碟底有些白色的水就是帆立貝造成的;至於炸芝士,主要係因為好膩,佢又唔係半溶狀態,一個人食哂真係好heavy,可以唔叫~ 最後當然唔少得就係一大碗蜆肉的味噌湯,蜆肉真的俾得好豪爽,基本上湯佔個碗一半也沒有,其餘通通是蜆肉,而蜆肉也非常鮮甜,一邊食一邊將蜆殼掉落地非常過癮。 有得掉蜆殼,天婦羅款式又多,食物質素又中上,這間性價比高的平民天婦羅餐廳值得推薦給大家! 推薦指數:★★★☆ 抵吃指數:★★★★☆ 地址:大阪府 大阪市浪速区 難波中 2-10-25 なんばCITY なんばこめじるし1F 營業時間:星期二至五11:00-14:30 17:00-22:30(Last Order 22:00)六、日、假期11:00-22:30 (Last Order 22:30) 星期一休息 網址:http://osietesite.com/gourmet/osaka/osakawasyoku/tenpuradaikichi 「立」即去旅遊已經係Facebook開左專頁喇! 歡迎大家去比個like丫! https://www.facebook.com/lapstravel/ IG:lapstravel