來自東京自由之丘的班戟店過江龍Flipper's，有奇蹟之pancake的稱號，在東京也算是人龍店之一，自從來左香港之後都一直人氣高企，常常見到門口排哂隊。有一次剛好平日比較早的時間要到附近有野做（約11:30左右），就看看有冇位啦，結果都大約有10個人左右排緊隊，問了職員原來可以先拎籌，然後揀個時間再回來就可以免排隊直入餐廳，所以我黃昏時分再來過～人客依然多，隊伍不見得很長，看來熱潮不算熱烈，內裏座位都唔算多（約40多個位），看完餐牌之後要先去收銀處落order，然後再等餐送上來。 點擊圖片放大 今次一共試左2款pancakes，包括係招牌原味梳乎厘pancake（$99）以及榛子朱古力焦糖香蕉pancake（$119），全部也是即叫即整，所以也等左20分鐘左右，pancake聲稱選用來自日本農場的新鮮雞蛋、天然奶油及無添加麵粉知唔知道，每份pancake都係一碟三塊，基本上唔同嘅味道，pancake都係一樣，不同的只是配料和醬汁不同。價錢以香港普遍來說抑或是在日本吃到的也不算平，上枱時的賣相望落去也軟綿綿。 點擊圖片放大 可惜，食落去有啲失望，口感上尚算輕盈，但空氣感唔夠強，比較實左少少，而且蛋香味唔夠濃，原味還好一點，忌廉的奶脂味比較強可以彌補蛋味不足問題，但榛子朱古力味道強烈到蓋哂pancake既蛋味，加上pancake索左啲醬令口感變重，變相食完之後變得好飽肚，梳乎厘口感不重。整體上，唔係唔好食，以在香港的質素來說尚算高質的，但配合價錢來說就覺得打左個折，而且之前在日本吃過的幸せのパンケーキ（可名參考之前的食評）係勁好食的，嗰個食完唔會話好滯，因為真係好梳乎厘好輕身，這間Flipper's就做不到人地水準啦，尚有進步的空間。 推薦指數：★★★ 抵吃指數：★★☆ 地址：銅鑼灣軒尼斯道500號希慎廣場6樓i.t blue block 營業時間：11:00-22:30 電話：2367 2133 備註：可以先在店舖拎籌，然後在指定時間內回店舖
