銅鑼灣崇光百貨SOGO地庫個超級市場經過幾個月既裝修之後，終於重新開幕啦，而且今次既重開更帶來了很多間來自日本的過江龍店，由掃街到買手信走都一應俱全，Bake芝士撻、華御結飯團、Bread Papa泡芙、Croissant Taiyaki鯛魚牛角酥等等就都會在這層找到，不過我今次主力實地測試既係幾間初到香港正式開店的日式品牌，總共試左4間食店的出品，希望之後可以再試埋其他。 1.鹿兒島玖子貴 第一間試既係來自鹿兒島既玖子貴，是日本海外的第一間分店，佢所售賣的是薩摩魚餅。佢所售的種類非常之多，有粟米、魷魚、蕃薯等新派款式的，亦有一些典型魚餅，加了明太子的等等，每一款也是油炸的。佢就係正落黎既電梯口，黎到既時候幫襯的人超級多，提提大家，佢有一款係原粒流心蛋魚餅係超暢銷產品，常常一出就很快售罄，要食既就要早點去睇下。隔住塊玻璃可以見到師傅係入面不停即製鮮炸緊啲魚餅，每一個都炸到色澤金黃，賣相飽滿。 點擊圖片放大 +3 基本上每一款也是$2x起跳，價錢唔算好平，不過佢有套餐選擇就化算好多，基本上$8x就會有4種魚餅，多數都包左最暢銷既幾款魚餅，皇牌既係流心蛋、粟米同蕃薯，如果買走既就可以返屋企放入微波爐叮返熱，我今次點既係皇牌滋味套餐，有粟米、蕃薯、蝦芝士同經典款，再加左個流心蛋。 點擊圖片放大 個人覺得食落去就油左少少，經典同蝦芝士食落就最普通，之後就到粟米，食落去每一口都有粒粒粟米夠足料，而且粟米幾甜；蕃薯係成個套餐最好食既，同樣每一啖都蕃番薯，蕃蘿每粒都好甜，大小切得剛剛好，佢既魚肉比例上相對地少點。除左套餐外，另外點的流心蛋係好食過另外四樣的，原隻蛋首先已經夠吸引，外圍卷住魚餅，魚餅咬落去加左馬蹄所以帶點爽的口感，隻蛋切落去就冇流心效果，反而係糖心效果，不過味道是平時在拉麵店吃那種味的炸過版本，味道不錯。整體來說，係價錢貴了少少，如果性價比可以好少少就會高分點。推薦指數：★★★☆ 抵吃指數：★★ 2.Kobe Beef Meat Pie 之後到這間Kobe Beef Meat Pie絕對係人龍店，次次店外都排左成堆人係到，保安再指向另一個後樓梯位到排隊，心諗應該冇機會食到，但又好彩行左個圈之外，發現人少左得返幾個，咁就可以買來食下了。牛肉批佢分左大（$38）和小（$21）兩種，另外仲有蘋果批和紅豆批，總共有4款批。不過原來咁少人排係因為除左小牛肉批外，其他已經售罄，要等下一輪出爐通常都要成個鐘，所以就試住個小批仔先啦。 點擊圖片放大 +2 食落去牛油味都幾重，不過就凍凍地，可能排隊都等到凍左點，但口感依然都鬆脆，而且肉味和肉汁都幾濃，裡面有些洋蔥粒，食落幾惹味，不過餡既份量就少左一點。推薦指數：★★★☆ 抵吃指數：★★★ 3.杉養蜂園 杉養蜂園已經有70年歷史，在日本常常都會見到佢既店舖，在香港時不時都會喺一啲日式超市例如一田、Aeon、Sogo擺Promotion，而今次更索性在這裡開了長期店位，除了售買蜂蜜外，更有蜂蜜軟雪糕，總共有四款口味，蜂蜜軟雪糕嘅筒裝和杯裝、加了藍莓蜂蜜的杯裝和加了柚子蜜的杯裝，全部劃一$40。其實我之前每一次去日本，都會買一些杉養蜂園的蜜糖返香港，尤其係佢出名的果汁蜜糖，雖然香港賣得比較貴，但能夠隨時隨地飲完就可以唔使飛日本重新再買過都係好事來的。 而我試左杯軟雪糕，佢並不是在雪糕上落蜜糖，而且蜜糖已經融入了雪糕之中，另外兩種口味先會額外再加佢既招牌果汁蜜糖。食落去都幾重奶味同時亦食到一絲絲蜜糖的甜，並非一般牛奶雪糕，多左少少清甜和好微微既煙韌，但佢就比較上溶得快點，所以買再就要盡快食，不過$40就略嫌貴左啲。推薦指數：★★☆ 抵吃指數：★★ 4.黑船 第四間就唔係前三者有現場即製，不過黑船絕對係百分之百來自日本的老字號品牌，創業於1919年有接近過百年歷史，佢即招牌代表係「長崎蛋糕」，但係我就冇買到長崎蛋糕，反而買左個抹茶銅鑼燒（$20）。 點擊圖片放大 +2 食落去就比較甜，但外面很軟熟很有蛋糕香，抹茶味就不是非常突出，可能因為外層較甜蓋過了一點，只吃到微微抹茶味，我個人就偏向喜燒苦一點的，下次都係試長崎蛋糕，因為個樣真係幾靚，而且唔一定要成條買，佢有件裝發售的。推薦指數：★★★ 抵吃指數：★★ 希望下次可以試埋下面嗰間，就再update畀大家！
