會選定間餐廳作為來到布拉格食既第一餐,係因為網上好多資訊都有推介呢間位於Namesti Republiky站附近的Restaurace Blatnice,啲野食都唔貴仲幾平。如果由布拉格最著名的三大市集之一—哈維爾市集行落去到尾轉彎就會見到。我因為好夜先來到,所以個門口唔算好容易認,爭啲錯過左。亦因為好夜先來到,所以入面就唔係好多人。間餐廳裝修好有中世紀復古感覺,一入門口就有個大酒吧位,我就好隨意搵左個位坐。 係歐洲食野基本上係要先點飲品,所以野食都未睇就要先睇飲乜,佢地都好快會過黎睇下你點咩飲品,點完再慢慢睇下食咩都未遲。我飲既係一種草莓汁(45克朗),由cappy出品,飲落去有一種好濃既士多啤梨味,酸酸甜甜冇汽既都幾好飲。然後黎左一堆couvert(亦即係餐前麵包),又凍又乾又硬一點也不合香港人口味,唔食也不損失(但還是被收錢了的⋯)。 因為係第一餐,剛剛下機再加上時差,食之前暈暈下,但還是忍不住叫了幾樣野試下,分別係燒雞胸肉配蘑菇汁(169克朗)、燒牛柳(319克朗)和薯仔餅(35克朗)。最好食係雞胸肉,唔會煎得太鞋口,蘑菇汁也幾香,食落去都幾有原始味道。燒牛柳就食落韌左點,但肉汁也好豐富;反而蘿仔餅好鹹,係煎得好香脆,但食落又鹹又澱粉質,即使只係食一塊都好膩同好滯,唔算係太好食。 整體黎講,佢係我係布拉格中食過既其中一間較好既餐廳,最好一間會係布拉格最尾嗰餐。 推薦指數:★★★ 抵吃指數:★★★ 地址:Michalská 511/6, 110 00 Praha, Czech 營業時間:星期一至日 11:00-23:00 網址:http://www.blatnice.com/eng/ (有menu提供) 電話: +420 224 225 836