這種一次性的展覽我其實很少會特別介紹,但今次在香港歷史博物館舉辦的香港玩具傳奇展覽,實在又豐富又抵去同時亦可以了解到香港好多輩人的兒時歷史,如果錯過了或者冇打算去的話,就可以睇下這次介紹,感受一下箇中樂趣,展期由3月2日去到5月15日。 來到現場門口樓梯位置,已經有過百隻Star Wars白兵迎接著來賓,絕對係打卡必到位置,而隔離就有個班面容詭異既Thomas火車頭,然後就去左售票處買飛。成個展覽每次買飛入場都會送一份玩具小禮物,但每個階段都唔同,想要心水既要留意返日子啦。 點擊圖片放大 一入到去就收到小禮物一份,我呢日收到既係迷你兵掛勾一個,幾別緻的。然後門口呢區係玩樂區,有一堆不知名既玩具可以砌啲公仔出黎,亦有一些日本漫畫書同本地漫畫人物公仔麥兜展出。 點擊圖片放大 +2 好快正式來到展覽區,先係一堆懷舊玩具,例如公仔紙、劍球等等。然後一直移步就會到科幻區,一些比較舊的日本製鐵皮和超合金機械人玩具。到了車仔區,中間亦有電視介紹以前點整玩具既片,其中一架較特別既係為左慶祝英女皇登基而鑄造,亦有一款超精緻既火車模型,仲有埋個擁有者以前玩既樣,估唔到咁耐以前既玩具可以造到咁細緻。 點擊圖片放大 +6 之後來到棋類區,原來海洋公園以前都曾經出過棋,以及去了洋娃娃區,芭比還好少少,其他娃娃實在令我有點覺得靈異,所以我就好快走左冇影相了。 點擊圖片放大 然後就到比較舊時和接近現時的玩具同figure模型,變形金剛、薯蛋頭、走樣多啦A夢公仔、小露寶、走樣眼珠爸爸等等。 點擊圖片放大 +6 另外還有幾層有幾處係有幾個一比一公仔可以影相打卡,高達、美國隊長、Ironman、變形金剛、忍者龜和一大堆鴨仔,逐個逐個慢慢集郵。 點擊圖片放大 這個展覽真心多野睇,唔去就真係走寶,無論大人、細佬定老人家都會睇到樂而忘返呀! 推薦指數:★★★★★ 抵玩指數:★★★★★ 地址:尖沙咀香港歷史博物館專題展覽廳 營業時間:星期一、三至五 10:00-18:00 六、日及假期 10:00-19:00 門票:標準10元、團體(20人或以上)、優惠(全日制學生、60歲或以上長者、殘疾人士)5元、4歲以下免費 網址: http://www.lcsd.gov.hk/CE/Museum/History/zh_TW/web/mh/exhibition/current.html