茶寮都路里其實之前已經介紹過，不過當時光顧既係位於京都的總店（詳情請按此），而今次幫襯既係位於東京站大丸百貨的分店，價格會稍微比京都店貴少少。無辦法啦，始終東京店係位於上流太太留連既地方。 店舖門口位是售賣手信既地方，有茶葉、抹茶燒餅、抹茶朱古力等等，裝修則是典型和風格局，整體擺設和風格都類似香港間中村藤吉，應該十個牌子有九個都係咁上下的了。而我今次坐近窗口位，望住東京都的景色嘆返個下午茶。 點了宇治抹茶芭菲同玄米茶芭菲（各1198日圓），事隔左2年，終於可以再次食到這間著名抹茶店的出品啦，一層一層不同質感的抹茶香在口腔裡散發著，最頂的是抹茶忌廉和抹茶啫喱，然後再到抹茶雪糕，再一層抹茶啫喱，之後到脆米和奶，最底部則是濃濃抹茶醬。身為抹茶控，對這個芭菲真係愛不釋手。玄米茶嗰個則是換上了玄米茶造的啫喱，其他部分大同小異，不過就同時享受到抹茶同玄米茶兩種味，而玄米茶啫喱真係充帶著好濃既玄米味，如果愛好此茶既應該會幾鍾意。 點擊圖片放大 +3 另外，佢亦都會係不同的季節推出期間限定的芭菲，雖然我今次冇食到，希望可以留返下一次啦！ 推薦指數：★★★★ 抵吃指數：★★★ 地址：千代田区 東京駅八重洲北口 大丸東京店 10階 營業時間：10：00 – 20：00 四、五10:00 - 21:00（Last Order 19：30 四、五 20：30） 網址：http://www.giontsujiri.co.jp/saryo/
