Dominique Ansel Bakery其實周不時都會係Facebook上面睇到佢既宣傳,佢地既出品成日都好震撼眼球,其中一樣係期間限定既半枝粟米配上粟米軟雪糕,不過我今次黎到就已經冇左。雖然冇得食粟米雪糕,但佢其實有3樣野都係鎮店之寶:牛角酥冬甩、朱古力牛奶杯同燒棉花糖,而我今次試了後兩者。 雖然佢店舖係原宿,但位置都幾隱蔽,好彩係表參道佢地自己擺左個牌指引畀人去,如果唔係好易miss左。黎到既時候都幾多人,座無虛席,我到最後都係企係近門口的企位,得張枱,可想而知佢幾受歡迎。 點擊圖片放大 +4 基本上我望見枱枱食客都係叫我食個2樣咁濟,但價錢其實不平,朱古力牛奶杯480日圓而燒棉花糖750日圓。那朱古力杯其實好細杯,但食落去味道係好濃郁既朱古力曲奇,杯內裡亦有一層朱古力兜住,再配上牛奶,整體效果唔錯。至於燒棉花糖,其實係香港阿波羅都有抄佢,佢個棉花糖係即叫即燒,燒到金黃色再用支樹枝插住,賣相就100分,而食落去果然都不負眾望,內裏有些朱古力脆脆,外層其實又唔係完全棉花糖,佢係有啲似雪糕,最入面核心則係蛋糕黎,食完其實唔會話好滯。 點擊圖片放大 呢間店係原宿行街行到攰嘅話,真係好適合入嚟坐低嘆番個下午茶呢! 推薦指數:★★★★ 抵吃指數:★★☆(2星半) 地址:東京都渋谷区神宮前5-7-14 營業時間: 10:00–19:00 網址:https://dominiqueanseljapan.com/