2018年2月更新： 之前在東京已經食過Luke's Lobster的龍蝦包，當時就覺得麻麻地，有點過譽的感覺。今次來到大阪心齋橋見冇乜人排隊，又有期間限定的黑包版，所以就決定試多第一次。 點擊圖片放大 +2 除咗龍蝦包之外，今次仲試咗蟹肉包。先講下個龍蝦包，基本上除咗個麵包顏色唔同咗之外，其餘都係冇乜分別，龍蝦肉就比起上次感覺好咗少少，整體上唔算係特別好食；反而蟹肉包就有驚喜，蟹肉食落去都幾鮮甜，蟹肉味重而且同個包都幾夾，個人覺得好食個龍蝦包。 所以來到這間店，唔一定要食龍蝦包，試吓其他包可能仲有驚喜！ 地址：大阪市中央區心斎橋筋 1-5-20 營業時間： 11：00–22：00 原宿的Luke's Lobster龍蝦包基本上紅到香港電視節目又介紹過、不少本地餐廳也爭相仿效佢推出龍蝦包，而佢貴為始祖，我黎到點都要試一試。不過，未食之前身邊不同的朋友對呢個包既評價都好唔同，有啲覺得唔好食；有啲覺得包好食但龍蝦肉唔好食；有啲覺得啖啖肉好滋味，所以我決定自己試為準就好了，始終個個口味唔同。 呢日黎到人都幾多，不過就唔使話等好耐，店外座位有限，所以好多人都係企係旁邊食。但首先要扣分既位係衛生，門前座位好多蒼蠅呀！有啲影響食慾...... 點擊圖片放大 +2 叫左2個regular，每個980日圓，望落好似好正既龍蝦包終於到手啦，一食落去，嗯，可能期望太高，無錯龍蝦肉食落去係凍既，呢個唔係問題，問題係冇咩龍蝦味冇咩醎鮮味，肉質係彈牙但好重香草味，唔令人抗拒但未至於好好食；而個包反而好鬆軟，但又唔覺得需要為左個包而食佢。總括而言，呢個包呃like係幾好，味道我就覺得好一般貨色，食唔食就自己選擇啦。 推薦指數：★★☆ 抵吃指數：★★ 地址：東京都渋谷区神宮前6-7-1 營業時間： 11：00–20：00 網址：http://lukeslobster.jp/
