新小岩並唔係東京旺區之一,呢到冇咩特別景點,不過就竟然有間拉麵店長期係日本有openrice之稱既tabelog高據4分以上(高過4分基本上係好好食類別),更係東京最高分添佢就係麵屋一燈,而且佢更於台灣開左首間海外分店。來到東京,即使係咁偏遠,都要黎呢間元祖店店拜訪一下啦。 知道佢係人龍店,我今次係開店前一個鐘已經黎到(10點左右),店外擺放左一堆圓櫈予客人等候用,見到冇咩人就諗住坐住等,越等人龍越多,但我發現有些人手上是拿了籌的,結果到開門時當然是他們先入去啦,不過好彩因為早到,所以都係可以係第一輪入去食,否則有排等。 入到去先係部機購票,但佢只得日文,所以唔識日文既最好事先去官網睇下,分別點了最出名個款拉麵同沾麵,兩款麵分別都有3種肉,叉燒、鴨肉同雞肉,如果要糖心蛋就要加錢。湯底是介魚湯但唔會話濃到偏醎,幾適合香港人口味,而三款肉中,雞肉最好食,入口嫩軟又充滿香味,同個麵好夾;鴨肉最唔好食,食落好韌,對我個人來說不落反而仲好,叉燒肥左啲油左啲,又係麻麻地,如果淨係雞肉就好很多。不過湯底同塊雞肉就真係好高質素,彌補返個兩款肉既不足,麵質也掛湯得好好,我就會偏好沾麵多過拉麵啦,因為沾麵湯更濃郁呢。食完出黎依然大排長龍呀! 推薦指數:★★★★☆ 抵吃指數:★★★☆ 地址:東京都 葛飾区 東新小岩 1-4-17 營業時間: 11:00–15:00 / 18:00-22:00(售完即止) 網址:http://www.menya-itto.com/