山形牛一頭買ぃ 牛兵衛草庵燒肉故名思義即係代表成隻山形牛買了下來，這樣做的目的就是一些比較刁鑽的部位也較容易吃到，而更重要既係可以用較平實的價格賣畀食客。要知道食和牛可以好貴，而我呢次黎到因為比較晚（爭半個鐘就Last Order，因為去迪士尼去到好夜），所以人唔係好多，佢直接畀左間包廂我！！ 一入門口就已經見到張山形牛證書，而且人雖然不多，但成間店都充滿著燒和牛香！因為咁夜先食燒肉（都叫宵夜時段），所以都唔係好敢叫好多（驚肥又唔太健康），叫左2款唔同既部位、帆立貝同1款廚師推介唔使燒既和牛食法，仲有兩個飯。 點擊圖片放大 野食好快黎到，先講2款和牛，油脂分佈平均，一睇就知係靚野，燒完放入口油脂香即刻係口裡爆發，佢未至於入口即溶，帶少少咬口，但牛味好濃郁，超好食！帆立貝燒完依然吃下去爽口彈牙，都幾好食，但唔夠和牛好食。 點擊圖片放大 +4 但好可惜，個款廚師推介食法牛好韌，韌過香口膠，一啲都唔好食，一大敗筆，不過好彩後尾決定博一博放佢落去燒下，咦，當堂好食返，起碼咬到但都係和牛好啲，呢款不點也可。 成餐食左2個人4千幾5千日圓左右，但食到靚靚和牛，幾抵！ 推薦指數：★★★☆（款廚師推介要扣下分） 抵吃指數：★★☆ 地址：東京都豐島區西池袋1-10-2日高ビル1F 營業時間： 一至五17：00–24：00 六、日、假期12:00—24:00 網址：https://r.gnavi.co.jp/g383609/
