係香港首先掀起芝士撻風潮的Bake,在日本佢有一間姐妹團,屬同一集團專賣蘋果酥的Ringo,它在東京有2間分店,而我今次去既係位於池袋的分店,基本上一出池袋JR站(向Sunshine City個邊出口)轉左行就好易搵到。 黎到已經係9點幾,但依然大排長龍,不過好彩唔洗等好耐就到我。成間店既裝修都好現代感,很時尚,而且一個個放出來的視覺效果很誘人。一個個蘋果酥焗得金黃的色澤,賣相已經令人流哂口水,1個370日圓,4個有特價1400日圓。 點擊圖片放大 職員幫我精美的包裝後,就拎左返酒店食。食落口感非常鬆脆而且充滿牛油香味,至於入面係一半蘋果肉既餡,一半係吉士,兩者非常融合而且不會過甜,果肉甜中帶酸而帶有肉桂香香再配上軟滑的吉士,一爽一軟好滋味,極力推薦。 推薦指數:★★★☆ 抵吃指數:★★☆ 地址:東京都豊島区南池袋1-28-2 JR池袋駅1F 營業時間: 10:00–22:00 網址:http://ringo-applepie.com/