第2天（星期一，17/10） 行程：池袋 》川越 》入間市outlet 》新宿 》池袋 川越之散步策略次序：1.喜多院 2.冰川神社 3.藏造街 4.本川越站 藏造街小食：芋頭饅頭、醬油雪糕、芋太郎和菓子（冇開） 今日行程非常緊湊兼豐富，所以8點已經出門去左附近既至愛Mister Donut同lawson食個輕便早餐，然後搭東武東上線去川越站（約30分鐘左右），提一提我來的是川越站，走的是本川越站。 點擊圖片放大 +4 會來川越是因為這裡有小江戶之稱，充滿著舊日式風情，連觀光巴士也頗有舊式味道。一出車站就很容易找到觀光巴士站，1日任搭巴士pass只需500日元（觀光巴士也有2款，但我個日只有這款），基本上搭3程已經可以回本的了，本身池袋或者新宿係有套票來川越（包來回川越車程和任搭觀光巴士券），但因為我行程編排唔會係川越直接回池袋而冇用到。 點擊圖片放大 +6 第1站.我搭的是全日第一班觀光巴士，所以架車去到喜多院神社便是終點站，既然一場黎到就順便參觀下。不過今日一直下着雨，略微有點掃興，但這裡氣氛好舒適休閒，也有頗好看的景色，而且也不用錢，所以還是值得看一下的。我只逗留了十多分鐘，因為已經有下一班觀光巴士去冰川神社。 點擊圖片放大 +3 第2站.會特別揀黎冰川神社是因為佢有2個特色係出面神社少有既，第一個是用來祈求姻緣的，外型是一條鯉魚？的籤文，只需要300日圓就可以用魚杆釣佢上來，籤文就已經攝係條魚入面，而條魚係可以拎走既，顏色有粉紅色和紅色兩種。另一種則是放一張紙人仔落小流川到穿過欄位，用意係將衰運送走和化解。參觀完之後，又係搭觀光巴士到川越最旺的商店街—藏造街了。 點擊圖片放大 +8 第3站.藏造街果然是川越最人氣的街道，這裡有形形色色既商店，每一間也有佢既特色，雖然今次黎到還是落住雨，但依然沒減少這裡的人流，這裡亦有其中一個著名景點時之鐘，佢經歷過幾次火災，但依然屹立不倒。而我亦這條街吃了川越著名的芋類製品—芋頭饅頭（不太甜，幾好食）和醬油雪糕（意想不到的夾）。另外這裡話說有個景點叫菓子屋橫丁，不過去到既時候發覺只係一間普通懷舊商店賣舊式日本糖果，所以冇咩點看就走了。 點擊圖片放大 +10 第4站.12點幾已經睇完了目標的川越景點，所以決定提早搭觀光巴士去本川越站。因為即將去的是位於入間市的三井MITSUI outlet Park（按名介紹），所以會來本川越站搭去所澤站再轉到入間市。個人黎講呢個outlet都幾多野睇，足足行左成4、5個鐘先捨得走，而且佢比較近池袋，要從東京市中心過黎其實好方便既。 點擊圖片放大 +2 行完出返市區決定先返酒店放低戰利品，因為買左好多野好重，哈哈。放低野就出去新宿食晚飯，位於高島屋的名代とんかつ-かつくら（按名評價）。食完就返池袋，見還有時間就買左飯後甜品返酒店食，包括Ringo蘋果酥（按名評價）和Chouxcream Chouxcri（按名評價），之後再去埋超市同便利店買左關東煮做今晚宵夜，豐富到一個點。 點擊圖片放大 +7
