人無夢想既話, 同一條咸魚有咩分別呀!! 我 唔 係 一 條 咸 魚 !! 西伯利亞鐵路係好多人既夢想, 當然亦係我既夢想, 一條我發夢都想坐既鐵路 兩年前已經話要去, 結果一拖再拖, 2019年9月終於可以出發!! yeah!!! go! go! 西伯利亞鐵路既歷史多講了, 返正爛玩精唔知太多, 只知道係可以由中國去到歐洲既鐵路, 原來既行程都係打算由北京坐到莫斯科, 但世事不似預期, 計劃配合唔到現實, 所以最後我地決定先由北京去伊爾庫茨克, 睇下個貝加爾湖先坐火車去莫斯科 行程: 香港 - 北京 - 伊爾庫茨克 - 莫斯科 - 聖彼德堡 - 香港 機票方面, 一早就已經用里數換左去北京既機票, 要買既只係北京去伊爾庫茨克, 同埋聖彼德堡返香港果兩程 超期待今次既旅程