續上 :3 瑞士 ~(*(00)*)// 成個trip最鍾意ge地方, plan 去少女峰 (Jungfrau) yeah! 坐火車去interlaken再轉當地火車去Grund, hostel 係個邊, 係town轉去Grund (係對面得一個站) 亦可以坐city bus 去(免費), 係town商舖餐廳集中處, 住宿貴好多, 多旅行團, 搵到間EU$26一晚包早餐, 叫Mountain View 個時算係最平, 房可以望到雪山, 坐係房食麵包都覺得好開心XD 少女峰好靚aaaaa \\(*(Oo)*)// 瑞士真係好值得黎，飄零燕景，親眼係jungfrau 睇景係好壯觀，興幸有機會黎親身感受，海拔3571米，見到有坐輪椅遊客上黎遊覽，火車系統係好完善，估佢唔到係20世紀初工程，沿途風景係好靚已值回票價，由大草地一直上雪山，好神奇 XD 如果唔係留幾日, 唔駛買3日pass, 有張morning ticket係會平d(~EU$138, 但係有限制要早上7:30am 上, 唔可以係中間停留要即刻駁車上, 大約下午2:30p到要落山, 我地有Euro pass可以平d, EU$135 無限制. 食物方面: 物價係成個trip最高地方, 盡量搵包早餐hostel 都係個句~食飽d~:P 通常一大早上雪山好難出去食野,無見到有麵包舖,多數係餐廳. 另外個邊超市好早收, 要預番時間去. 一場去到試下傳統芝士火鍋(EU$26), 建議叫一鍋share好d, 3個人食都覺得好漏好濃, 附有薯仔同麵包重有得加添, 另外有一間要另計, 最好行多幾間睇睇. 雖然係夏天山腳氣溫都相對較低要著多件衫, 上雪山要準備厚衫. (個日將帶去ge長衫著灑上身+2條legging 打底 hahaha XD) 奧地利--維也納 Plan city walk 可用24 or 72 hrs metro pass 平&方便d. 慢步多瑙河都唔錯ka ~:) 住宿搵到間好好, 叫A&O hostel, EU$12.5, 超值a!!! 房間乾淨企理, 24 hrs check in, 位置易搵, 近metro站, 有廚房, 似hotel 管理, 認全A&O有保證, 之後Prague & Amsterdam 都住佢ge hostel. btw 當地人好好, 好熱心助人:3 無咩特別食物, 有廚房可以慳錢超市買菜煮. :P (朋友煮, 負責食&洗碗 XP) 捷克-布拉格 另一個好多景點地方, 好值得去, 有布拉格廣場, 天文鍾, 查理橋, 城堡...最好留兩至三日, 個邊建築物都好靚, 景點慢慢欣賞. ^(*(00)*)^ 食物方面: 係布拉廣場有熟食檔, 車輪咁ge包 EU$2, 好好食, 熱辣辣最好食 (打到呢度諗起, 好想再食:0''') 有d舖係俾凍左ge...唔係咁好食, 當早餐good a :P 另外, 有烤肉檔加一盆薯仔酸菜, 以重量秤好貴, 分別EU$15 & 12 ! 朋友話個肉唔係咁好食, 個薯仔酸菜都唔好食, 可能當地人口味, 唔岩我地食, 呢個價錢可以舒舒服服坐係餐廳食>:o 晚餐就去左餐廳食好d, 係查理橋旁邊,一間menu無相得Eng字餐廳, 個侍應好串咁話"我地餐廳唔同其他, menu係無相" XDDD 雖然串左d, 但又真係好食woooo XP 兩個長通粉都煮得岩岩好, 洋蔥湯好熱好味a, 另外朋友叫左個忌廉蘑菇汁烤雞, 個汁好濃好好食(*(OO)*)// 點擊圖片放大 德國—柏林 一定會去柏林圍牆，另外國會大樓，猶太人紀念碑都值得去。國會大樓要提前網上預約，booking好full，去到full左排左一個鐘預約都要2日後先有位. (暴曬中排 -_-“) 另一大行程係去買Birkenstock ~(*(00)*)~ Yeah 買左兩對，比HK平，HKD$300一對都有, 個邊好隨便, 一隻display, 岩款自己摷size. 買左兩對, 好彩重有新 (最後一對新) :3 。 住宿: ~EU $24.5 一晚 (包早餐) , 叫hotel pension, 位置近動物園站, 個邊係shopping街, 有Birkenstock 賣. 食物方面: 德國咸豬手 EU $16.9 係柏林古老餐廳之一, 叫Zur letzen Instanz, 搭metro 係Klosterstrasse站, 經過一個已沒有運作ge教堂行2分鐘就到, 好近ka. 另外, 係hotel附近搵到間好低食self services 意粉Pizza店, EU$5 食到一大個pizza, 一大碟意大利飯 or意粉, 好多當地人食. 味道重係好食ge Xd 3日晚餐都係個邊食 :3 荷蘭--阿姆斯特丹 town 好靚好舒服, 環境有d似水鄉. 景點主要用tram觀光, 個city map好清晰有公仔show景點係邊搭幾多號tram. 所有tram 都係central開&終點站. 買pass就可用metro + tram, 交通好方便. 住宿: A&O hostel ~$22晚, 位置好易搵, 一落metro就見到, 搭幾個站就係eurorail 巴士站. 食物方面: 當地有間大型連鎖超市叫Albert Heijn 可以買到當地食品, 要價錢平可以去遠少少旅遊區, 價錢唔同ka. 係成個Europe 都好多車厘子, 食左好多kg XP & 芝士好食a, 買左個有coat ge 芝士, 老闆話可以keep 3個星期, 剛好旅程完結, 切開左重好soft 好好味a (-w-), 好彩無發霉 :P 景點有大廣場, 市集, 花市場, 水上人家, 梵高博物館, 遊船河 & 紅燈區, 10:00p 先天黑, 無等咁耐6:00p去紅燈區見識下, 未天黑已經有穿著性感lady企係櫥窗&門口度, 有d好後生好靚女, 但好似商品咁賣自己, 見到咁其實有d心酸...職業係值得尊重... 搭Eurorail bus 由Amsterdam去倫敦, 火車global pass 係唔包London (火車要EU$2xx, 超貴*O*) , 搭巴士EU$29, 如果早10 日book會重平, 車程要8個鍾, 所以坐夜車慳番一晚住宿, 另外, Megabus會再重平, EU$22 去Paris. (坐bus去碼頭坐大船, 上船度要9秒9沖去搵個靚位瞓覺, 坐bus雖然係平但比較辛苦, 腰骨都痛, 無得沖涼, 同埋個廁所堅臭, 留多陣想暈低, 唯有忍住係船度去, 乾淨好多.) 待續 :3
