繼續分享 :3 意大利-Pisa 用Euro pass 火車去米蘭, 經過停Pisa 5個鍾睇斜塔, 影完相就搭火車去米蘭, 咁樣一日去兩個地方係低d, 因為用Euro pass一日內係可以任搭, 時間係近d 2-4 hrs 地方就無咁趕, Pisa 剩係睇斜塔留宿一日有d浪費. 意大利--米蘭 主要係去參觀大教堂, 去下名牌街windows shopping 無錢買都見識下 XD hahaha, 之後搭tram 去左個市集 Viale Papiniano (搭12號), 有雜貨, 衫, 鞋襪, 日用品, 最重要有食物生果, 熟食包, 芝士, 燒雞, 豬&魚 etc. 好多款式價錢相宜又可以食到飽. 好鍾意行當地市集, 感覺最能夠認識當地人生活習慣. HK好少呢種市集, 難得去到外國, 慢慢行感受下. 市集 Viale Papiniano :3 點擊圖片放大 +3 住係青年旅社, ~EU$16包早餐(有早餐時最好食飽d), 6床, 女生房share bathroom. 同左印度家庭同房, 唔知點解佢地經常定眼望住人...好唔自在, 係維也納都係同一個印度女仔, 又係成日咁...(-..-") 食物方面: 意粉, pizza, 牛角包 & gelateria, 有食McDonald, 想慳又唔想食硬麵包, 選擇唔多. 點擊圖片放大 係hostel附近有意粉店, EU$4-5 都好底食, 煮得好味. :P 意大利--威尼斯 搵左間EU$9 一晚住tent帳篷, 叫Camping Jolly係個好大camp site, 有木屋, 磚屋 & camping車車位. 揀左最平ge tent, 始終係效區係會凍d, 勝在夠平, 但位置比較遠要shuttle出入, 見到有學校黎去camp, 重有好好多一家大細渡假, 類似HK北潭涌咁, 環境再效區d, 因為遠離水鄉, 岩岩到步時要搭bus再行25-30 mins先到, 入到去好新奇係好大ge camp site 環境&管理都好好, 大家都鍾意戶外, 係就係遠d, 但環境好靜, 好靚&舒服! 係唔錯ge體驗:D 點擊圖片放大 食物方面: 始終係旅遊區, 係貴d, 但都有超市, 食左個全菜pizza EU$3.5 好多料又唔乾, 歐洲好多pizza店, 見到好多都好乾好多芝士, 見到都唔想食 XD haha, Gelateria (雪糕咁, 但冰d, 無奶味, 食過幾檔覺得威尼斯&巴黎聖心堂上面最好食, 威尼斯平d EU$1.4 一球, 係巴士站行去水鄉入口, 個個位得一間, 其他係餐廳). 個邊有個魚市場但好早收2:00p, 去左先慢慢影相好d, 晚餐食意大利飯&意粉, 揀當地餐廳無中文字ge好食好多,雖然要收12%服務費, 但味道好大分別, 好食好多, 有d唐人開寫唔收服務費, 味道唔好食之餘份量又少, 其實條數係番度. 點擊圖片放大 +3 待續 :d
