大家好, 想分享一下歐洲遊記, 參考參考~(*(00)*)/ , 4/6/2015 至17/7/2015 夏天天氣好好, 日照好長好底玩:D, 成10:30/11:00pm先天黑, 一個半月去左11個國家à巴黎, 希臘(雅典&愛琴海), 意大利 (米蘭, 威尼斯 &羅馬), 瑞士 (少女峰), 奧地利 (維也納), 捷克(布拉格), 德國 (柏林), 荷蘭 (阿姆斯特丹), 倫敦, 西班牙(巴塞隆納) & 比利時. 雖然唔係最平方法但時間上慳左少少, 坐巴士會係最平, 但最辛苦 ('(00)')" 歐洲去多地方用背包方式遊覽, 覺得係最方便, 好多地方有樓梯, 火車站, 地鐵(metro) , hostel etc. 決定去歐洲比較倉卒, 出發一個月前到, 好好彩都有平機票同住宿. 一個半月用左太約HK$32,500 (機票$5,500 + 住宿, 車費, 食 &雜費 ~$27,000 ) 主要支出: -->遲買機票好彩唔算太貴 HK$5,500 包稅, HK來回巴黎, Aeroflot 係俄羅斯航空, 係Moscow轉機, 接機都好快2 -3hrs 到, 其實行去過關, 搵閘口都差不多, 機場都幾大. -->如果要坐火車, 一定係HK買定euro rail pass 係最好&平, 如單買要成EU$150-$600 up, euro global pass ~EU$680 (係2個月可以用10日) , 有時d火車要compulsory reservation 要另外加$, 普通EU$3 , 有d地方會貴d, e.g.意大利去瑞士EU$25, 巴黎去巴塞隆納EU$29 (可作參考) -->當地遊覽, 用metro/underground, tram & 巴士, 係metro 買ticket 通常可以用係tram & bus. 有d地方1 day or 2 day pass 平, 有d 10張tickets 平, 係部機周圍棟下計下. 好多地方用同一張票大約40-45mins 內再入閘搭去其他站都ok, 點都入閘試下, 可以慳多程車$ Y(*(00)*)Y -->住宿方面主要係hostel, 每晚由最平係威尼斯EU$9 至最貴係瑞士EU$28, 多數EU$18-$22晚, 我地一行3個女仔, 主要係揀female dorms. 都有住mix dorms但不多. -->食方面, 會試當地特色菜, 其他時候係超級市場買多, 有時去到菜市場買肉菜生果重平, 車厘子又平又多又好食, 成個trip食左無數咁多XD; 我地盡量會揀有廚房ge hostel 可以自己煮, 慳好多ka :3 菜同肉都好多選擇. 另外, 水方面, 成個歐洲蒸餾水都好平, 如果飲唔慣tap water 可以選擇, 大大支1.5 lit & 2 lit. 係超級市場最好買定野食係長途火車&巴士食, 慳番d, 火車餐廳係貴好多. 行李: Backpack 咁去輕便d好. 一對波鞋, 拖鞋, 5 件tee, 2條長褲, 3條短褲(1條瞓覺用, 最好帶d運動褲, 洗完好快乾; 最好日日洗內衣唔好積埋, 個邊洗衫店都幾貴EU~$5-7,一機 ), 睡袋 (有時hostel被舖唔係好乾淨可以用, 同埋有d hostel床單被單要另外收$) , 防曬 (用灑成支), 沖涼用品, 潔面紙 (有時坐長途車無得洗面可以用), 搭夜車前最好搵個地方洗下面先上車, 火車&巴士d水感覺唔太乾淨. 第一日到巴黎, 留2日住hostel 叫women bed, EU$22一晚, 係6張床女仔房, 都好乾淨企理. 如果怕mix dorms可以考慮呢間. 係巴黎遊覽用metro比較方便好多景點都到到, 可以買10張tickets , 可以同朋友share 用 EU$14.4 有10張, 有有效期, 但過左期都可以去ticket office啟動番就ok, 用個時大約40-45mins 內再入閘搭去其他站都ok, 單程買約EU$2.2, 如果留得耐重有1-3 days pass. 巴黎景點必去都係鐵塔, 凱旋門, 羅浮宮, 香謝麗大道, 有個聖心堂覺得都值得去的, 位於比較高地勢可以睇巴黎city全景, 聖心堂係教堂免費參觀, 裡面牆壁畫好壯觀, 靜靜欣賞參觀. 歐洲有好多大教堂, 覺得都值得花少少時間參觀一下 (利申: 不是天主教&基督教) :P 覺得最好去景點之前睇下有關背景資料, 會發現其stunning points & 特色, 印象會較深刻難忘, 原來係咁耐歷史, 保存得咁好都會驚訝. XD (係本人太大驚少怪 XD hahaha) 希臘--愛琴海 下一站去希臘, dream place愛琴海!!! 搭Aegean airline , 遇到個好好人& handsome ge 員工, 3個人share 買左1 luggage, 佢好好好a 免費送左3個luggage 比我地, 全部backpack 都可以寄倉yeah ! 最後讚佢You’re so handsome. XD hahaha (事實真係handsome ka :3) 要係雅典轉機, 晚機慳左一晚住宿, 到步係早上6:30am 可以搭最早bus 去Fira 揾 hostel, 間hostel叫sea of Aegean(EU $22.5晚private) ,聲稱係central, 真係比佢昆左, 遠到咩咁, 重要行條大斜路路, 通常check out有車送去碼頭or機場, 呢間話未必有>:o book 左2晚, 因為要住多一晚, 位置唔係咁好所以行完town, walk in 去其他hostel, 搵左3-4間, 終於有位, 價錢重平過而家個間! EU$20 晚private, 好有驚喜, 係傳統Cave house, 有海景, 泳池, 閣樓, 露台 & 廚房. (*(00)*)// 一場去到住下傳統Cave House 真係唔錯體驗, 有得接送去碼頭 Y(*(00)*)Y. 當地慳錢飽肚食物推介: EU$2.5 Pita & pizza, 個人覺得pita比其他歐洲地方好食, 即叫即整, 因為唔食豬牛雞, 叫左個菜pita都好好食:P , 另外有三文冶, 但係個個包係硬包, 價錢EU$3, 食過一次因為太硬就無再買, 都係熱辣辣pita好d XP , 另外, yogurt 超好食(相個杯), 有好多味最鍾意西梅,日日食2-3杯, 幾日食左好多杯XP, 好濃好多果肉ka!!! 盛產地係唔同d ! 點擊圖片放大 蕃茄都盛產, 試左個旅遊書推介蕃茄飯, 都ok好食ka ~ 當時坐船去雅典係價錢平過飛機, 有Euro pass 搭Blue star ferries 係有discount, 經個邊travel agent 買, 原來直接係碼頭買係平d, 蠢左, 大船通常都有位, 但要小心班次, 預早少少到碼頭買會好d. 點擊圖片放大 兩日都見到呢隻狗仔瞓係度, 未見過佢醒, 好得意 hahahha XDDD 希臘—雅典 一落船, 係深夜即刻沖去metro搭尾班車去hostel, 感覺雅典好落後, 建築物好殘舊. 夜ma ma係唔熟悉地方揾hostel都有d擔心, 好彩睇地圖行岩左方向, hostel係警察局附近問下警察路, 住EU$9 晚private, 睇個價錢就知質素係麻麻地, 勝在夠安全XD, 平&有廚房, share 廁所浴室. 朋友張床有野咬, 我地兩個就無. 野蟲仔ge朋友最好帶定d藥油搓旁下身。 當地比其他地方算多野食, 價錢都合理, 食物推介: Greek coffee 一定要試, 好好飲, 味道回甘, Greek yogurt (honey+walnuts) 好好食, 食完會好飽, 因為好”傑” ka :P 飽肚都係pita (無愛琴海咁好食, 包比較硬少少) 勝在價平EU$2.5-3, 重有街頭好多圈圈芝麻包都係又平又好食EU$0.5 , 波菜批都ok但如果可以整熱會好食好多, olive 都值得試, 當地盛產a. 食左餐烤海鮮盆有八爪魚同兩種魚, 份量3個人食都夠，不算貴EU$25。 Greek Yogurt a Xd 意大行—羅馬 廉航Easyjet機票係雅典去Roma比較貴, 所以係Naples落, 平好多~EU$30, 再搭火車去Roma, 有d hostel 唔係24hrs check in, 如果夜左打個電話去叫佢地等等, 唔係去到check in 唔到就麻煩。天黑11:45pm左又要沖去搭metro , 趕唔到尾班車，要搭巴士，好彩有車，問下人揾下路睇地圖, 好耐先到hostel，好唔好意思個員工等左好耐，他一臉不爽都正常ge :s 住private room 約EU$25 晚, 另外要俾tax , 之前住都唔駛俾，一dd地方要, book 前睇清楚. 羅馬比較多景點，梵帝崗裡面ge聖彼得廣場(Piazza San Pietro), 教堂&梵諦岡博物館(Musei Vaticani), 許願池(Fontana Di Trevi), 圓形競技場(Colosseo)等, 買2pass日去好d, 梵諦岡博物館用半至一日會好d, 因為好大有古希臘,羅馬 & 埃及館收藏好多珍品同藝術品, 要早d去排隊, 個日排左1.5 hrs. 外面會有好多人賣fast pass + tour 要成EU$50 ! 入場費無記錯約EU$17-18到, 好值得入場參觀! 埃及館面積好大, 有拆開左ge木乃伊睇! 覺得已值回票價. 另外<創世紀>&<末日的審判>係天花板壁畫, 真係好壯觀! 由國個人--米開基羅完成, <哀悼基督>, <基督下十字架>都係有名藝術品, 另外<最後的晚餐>好大幅, 之後睇米蘭資料先唔係真蹟, 真蹟係米蘭聖瑪利亞修道院(Chiesa Di Santa Maria Delle Grazie), 如果參觀要兩個月前預訂, 限人數&限時15mins, 好誇張! (待續)
