睇完陳億仕醫生，佢就畀咗個藥單我太太食:Cartia 100mg 1粒Vitacom vitamin b 1粒L-methylfolate 1000mcg 4粒(利申: 唔係話食咗呢啲藥就有，只係食呢啲當係一個補充劑)有c677t，上google嗰度查嘅時候知道有80%亞洲女性都有機會有，之前喺鄭昆瑜醫生嗰度驗過dna報告，冇特別提呢樣有問題，但係陳億仕醫生就有攞出嚟講。仲有一樣，係唔太達標，但又唔係negative同positive，就係anticardiolipinantibody (IgM) - result 係14H (indeterminate)佢嘅解釋就係話啲血凝聚太快同埋太結，當初初有咗嘅時候媽媽畀血BB嗰條血管，其實仲幼過頭髮，我嘅理解就係因為啲血太容易凝聚所有好難通過去畀baby。食左D藥大概一個月之後，我太太有一日返工嘅時候全身發冷，四肢無力行都行唔到，跟住我就去接咗佢法國醫院度睇醫生，個醫生就同佢講話可能係中咗流感，仲開咗啲panadol畀我太太。不過當我太太返到屋企好返啲嘅時候，佢覺得個呢種感覺好古怪，之後就入咗廁所驗，好幸運再次懷孕。之後就去陳醫生醫務所嗰度，抽血再驗，結果就係bingo同時，一條左右做人難嘅問題出現咗，陳億仕醫生團隊要求我哋"自行決定"打唔打肝素針，但係就話:"你搵我地繼續睇嘅話，你就要打，你唔打針嘅話就可以揾定其他醫生"喺呢個時間我哋完全唔知肝素針呢樣嘢係乜嘢嚟，亦都唔知道有啲咩用途，淨係知道支肝素針係要每日打，大慨打到生之前兩週。姑娘淨係同我哋講你支嘢係我哋補住個胎嘅。咁我哋就即刻上網google求救，我太太就狂入媽媽group，問下呢啲係乜嘢嚟？網上面真係有好多熱心嘅人可以幫到我哋，問咗好多問題全部都不厭其煩回覆。 真係好感激佢哋。️(其中一個媽媽仲送咗一部聽BB心跳嘅機畀我哋， 好多謝佢)我突然間記得我太太其實末算符合抗磷脂綜合症，因為我睇過個報告嘅上面有寫到抗磷脂質素要12個禮拜後再覆驗過，如果positive嘅話，咁就證明真係有，先要keep住打針，但係我地要再過多4個禮拜先足夠12個禮拜。但係你又會喺度諗，究竟攞bb嚟博四個禮拜值唔值得呢？定係直接因為保著BB打咗先好？就係呢四個禮拜嘅時候，我太太唔知係咪因為食緊阿士匹靈不斷流啡，同大便出血，去咗陳醫生嗰度分別打咗兩次安胎針，咁當然我哋問陳億仕意見，係咪可以打肝素就唔會流啡？佢又好似唔係好解答到我哋，只係話如果你有啲咁嘅情況唔可以打肝素。所以我哋衹好Keep住食阿士匹靈同Dupbsaston，依然斷斷續續咁樣流啡。過咗四個禮拜之後我哋話想再驗多次抗磷脂，佢地竟然同我講話唔使再驗，我同佢講明明份報告上面係寫驗多一次先可以證實，佢只係回覆我"你要信我"，喂呀！我只係想得個知字啫。好啦好啦，咁我當然想再驗多一次證實咗我老婆冇事先啦，起碼呢一個問題唔係話打唔打針，純粹個人想清楚明白都得啩，你唔肯驗多次，我唯一諗到嘅方法就係搵另一個人再驗囉。屌，原來唔係好多人很無端端簽呢份嘢畀你驗。唯有再去漫無目的咁搵醫生嘅旅程。我哋去咗浸X醫院嗰個馮德X醫生度問下佢意見，老實講我就覺得佢冇乜用啦，一開始我就開門見山講我哋有呢啲問題，同埋畀埋啲報告佢睇，諮詢下佢打唔打針? 點知佢話"你鍾意打就打，唔打就唔打"，鬼唔知阿媽係女人咩，你同我分析下都得掛， 我又唔係要你喺張紙上畫個心用箭穿埋佢，咁你都託我手踭。(唔明就睇返食神)我想喺呢度講，我係搵醫生嘅過程裏面搵到一個叫孫錫X醫生，其實睇佢(等得耐)都出咗名，唔緊要，幫唔到我都唔緊要，睇醫生嘅時候因為我話我睇過陳億仕醫生想搵佢再驗清楚，佢即場發咗我老脾，係發惡鬧人嗰種，鬧咗50分鐘，點解我記得因為我錄咗音(錄音係我嘅習慣，純粹驚聽漏咗啲嘢)。當時我覺得可能佢都係競爭對手，踩低對手抬高自己係人類嘅天性，我明白嘅。鬧撚咗咁耐之後，佢叫我哋去樓下化驗所驗一啲嘢，四千蚊到(唔係抗磷脂 )，咁我就問姑娘我哋幾時可以睇報告，佢話會whatsapp通知我哋，我等咗一個禮拜，佢都冇覆我哋，咁我咪打電話問佢哋啲姑娘囉，佢哋竟然話唔會再同我哋睇，dllm，點解呀？咁你點解要我畀幾千蚊你驗嘢，然後玩我地呢？好撚嬲。仲有見到佢啲receptionist(即係嗰啲助護)有D喺度開住個電話睇緊親X王國，唔知係咪好撚驚人哋講佢壞話，你就當我小鳩佢氣。頻撲咗一排之後，差唔多決定要返去陳醫生嗰度，終於皇天不負有心人(好老土)，竟然突然間有一道曙光喺我面前。
