🍽️ Terrace in seaside (德福廣場) 📍地址: 九龍灣偉業街33號德福廣場1期1樓F11號舖😋💙未入到門口，就見到有棵大型嘅柑橘樹響入口處。每一碟菜都襯返主題，有粒小金橘做伴碟，可以打卡之餘，仲可以食添啱晒我呢啲打卡之人，仲夠曬健康😆👉🏻水果忌廉三文治 $62巨型提子加巨型士多啤梨三文治，忌廉食落唔會甜，仲好軟綿綿，好似食緊舊雲咁，旁邊仲有一片柑橘，非常香甜👉🏻煙三文魚芝士窩夫 $98水果窩夫就食得多，三文魚窩夫就真係第一次食，估唔到鹹味嘅窩夫，又有啲驚喜喎窩夫中間係火腿夾心加啲芝士，外脆內軟三文魚下邊有啲沙律墊底，行過想食下午茶都可以食佢👉🏻燒慢煮雞腿紫蘇拌飯 $92雞髀🍗，係雞髀啊，大大隻巨型雞髀🍗仲要用慢煮方式調製，令人齒頰留香而飯加咗韓式辣醬有少少辣辣地，同埋落左紫蘇葉落去可以驅下寒氣，冬天食一流👉🏻南瓜芝士沙律 $72焗熟咗嘅南瓜加埋芝士而製成嘅沙律，味道不過不失，南瓜味道都幾脆，唔會話太淋，就連本身唔多食南瓜嘅我都食咗好幾舊由於份量實在太多啦，有啲食唔晒鍾意食南瓜嘅千祈唔好錯過，一定滿足到你👉🏻漂浮棉花糖朱古力咖啡（熱）$52舊棉花糖好似熱氣球咁飄下飄下，有啲咖啡帶出嚟甘甘地既味道，攪勻個棉花糖就啱啱好唔會苦啦👉🏻濟州柑橘乳酪 $68好香濃嘅金橘味，飲落有乳酪奶味，夠晒鮮美多汁，上面仲有原隻嘅金橘，打卡實在一流好味指數: 3.5/5 性價比: 3.5/5 有加一環境: 3.8/5 點擊圖片放大 +6
