🍽️ 新肥泉海鮮大排檔 📍地址: 佐敦寶靈街17號官涌市政大廈2樓熟食中心😋同朋友仔去完m+打卡,同佢講開好耐冇食過大排檔,不如去食下,一搵之下就打算去熟食中心睇下有咩性價比高嘅正野,一於就試吓呢間新肥泉啦店員好熱情咁招呼我哋叫我哋隨便坐 而店舖係屬於開放式廚房,見到兩位廚房大哥不停咁忙黎忙去 手腳冇停手 辛苦晒💪🏻💪🏻👉🏻蔥油霸王雞半隻 $168霸王雞原先以為好似燒臘舖咁切完嚿雞再配一碟蔥油俾我哋點就完左成件事點知啲蔥油係特登爆香,好似蒸魚咁淋響面啲雞香滑得黎再配搭埋蔥油,夠晒香口,送飯一流啊👉🏻椒鹽軟殼蟹 $138推介‼️由於朋友仔係食蟹狂魔,但我哋又怕麻煩 唔想慢慢咁拆蟹,所以就揀左食軟殼蟹喇估唔到佢嘅炸物係咁好味,由於係新鮮即炸嘅關係,熱辣辣之餘仲超級香口,超級邪惡😈飲酒嘅朋友仔用嚟送酒一流呀 Ps 下次要試埋佢個椒鹽九肚魚,相信都係一個唔錯嘅選擇👉🏻芝士焗花蝦伊麵 $228一上枱震驚了,可能因為啲芝士太易焗過龍,有少少燶燶哋,不過都好彩無損佢嘅味道筆開咗啲燶既芝士之後,再一次震驚了,啲蝦手就算攣埋一舊,都有手指公咁大隻,不過新唔新鮮就好睇運氣,我食到兩隻都好新鮮,但朋友仔就話食到有隻差啲啦總括嚟講都係唔錯嘅,當然如果啲蝦可以去埋腸就更加正啦🥳順帶一提見到有人食羊腩煲同埋打邊爐,有時間都會試吓呢兩樣嘢,因為睇落好似好正好吸引,啱晒同朋友仔慢慢傾偈 慢慢㗳好味指數: 3/5 性價比: 3/5 無加一環境: 3/5點擊圖片放大 +5