星期日同小蟹去左蓮香飲茶 同我地一齊坐同一張台有一個公公同婆婆 我未坐低已經拎左碟魚雲 跟住對面果個婆婆同公公講「不如叫d野食」 公公就好唔耐煩咁同佢講 「飲啖茶先得唔得啊」 言語間聽到婆婆其實想食「鴨腿瀨粉」 隔左好耐 我地已經叫左六七碟野食喇 公公就叫婆婆叫d野食啦妳 咁婆婆就話想食咸水角 公公就話 「d煎炸野咁熱氣」 咁婆婆當然無叫喇 到第二樣點心行過 婆婆又話 想食麻蓉包 公公又話「我刀唔食麻蓉包geh, 我要食奶黃包」 婆婆又無出聲喇 公公又話自己唔肚餓 可以唔食野 隔左一陣 公公問待應「有無奶黃包啊?」 待應就話 賣晒啦! 跟住公公就話 咁叫個鴨腿瀨粉啦 果個待應又話, 賣晒啦, 頭先你一坐低叫就有 跟住可能公公知死喇 行左出去拎碟腸粉比婆婆食 坐多左陣就離開左 見到婆婆係唔開心 但係完全唔同既飲食習慣刀可以令佢地相對幾十年 我覺得好amazing :)
