韓國的護膚品同化妝品真的又平又好用！！ 自從我第一次去完韓國之後，我就開始慢慢轉用不同的韓國品牌，而家我大部份的護膚品都是韓國的！！常用的有innisfree洗面膏 + mask、belif水份mask + 眼霜、tony moly蝸牛mask、banila co同tool cool for school化妝品、etude house指甲油等。買得多就開始知道點樣買得精明，大家可以參考以下的小tips : 1) 出發前做些準備功夫，上網看看有什麼牌子、什麼產品特別多人推薦，寫張list去到可以即刻買！每個品牌都會有自己的皇牌產品，通常一個品牌真係只得幾樣野特別值得買。如果出發前零準備，去到先慢慢試，一定會買左好多唔好用既野返黎，真正好用的又會miss左，蝕底！！ 2) 當地的護膚品舖頭真係多到你驚，大路的牌子每隔條街就有，地鐵站又會有。以明洞一個小小area黎計，都有4 - 5間同一個牌子的舖，肯定多過7仔！！而最可怕的係每一間舖的優惠都唔同！！！試過有次買一隻mask，公價大約港幣7蚊塊，已經好平啦就諗都唔諗見到第一間已經衝左入去買，點知之後去第二間 ， 係半價！！！ 結果又買多幾pack返黎……(多到返左黎成年都未用完！！)所以唔駛太心急，睇左第一間幾錢忍忍手，之後路過又入下第二間睇一睇，隨時有驚喜！！但當然見到有少少優惠都可以考慮買架喇，同東大門買衫的道理一樣，行過左就未必搵得返架喇！！ 3) 送sample黎講，韓國的姐姐們都真係好爽手，買少少野都會送好多，但好多時又唔知送埋D咩黎……唔敢亂用！！所以好多sample拎個時就好開心，返到黎就徹底遺忘了！建議下次可以睇定幾款你自己有興趣試的護膚品再問sales會唔會有個幾款sample，呢個先係拎sample的王道！！又同埋太熱鬧的遊客區送sample會比較少，去少人d靜d的舖頭就會滿載而歸啦！又又同朋友夾單一次過買多d，又會送多d......大家加油啊！哈哈！ 4) 韓國訪問委員會網站經常有各大化妝品牌coupon下載 ， print出黎到時去返指定店舖用就得架喇，好方便！ 韓國訪問委員會:http://www.vkc.or.kr/tc/benefit/coupon.asp 5) 記住帶環保袋出去掃貨啊！唔係就會一小袋、一小袋拎到手軟！購物愉快！！ 少女旅行日記 La La’s Facebook :https://www.facebook.com/lalatraveldiary Blog:http://lalalovetravel.blogspot.hk/
