大仔尼幾排訓得好差,成日半夜起身。知道琴日仔仔成晚冇訓,所以今日我就早啲起身決定陪仔仔返學校睇DSE成績,好在出到嚟成績都唔錯..大仔都即刻抖左口氣,之後我哋就搵間餐廳食個lunch 先返去..原來諗住食灣仔一間連鎖burger 鋪 慶祝一下... 但見到入面都好多人都好驚中招,所以我哋就揸遠少少去左新鴻基中心嘅一間中餐廳食飯..開頭以為大仔唔會好鐘意食中菜,但食下食下見大仔有追住嚟食,都好安心。我哋叫左蘿蔔糕,餐廳仲配左個龍皇醬俾我哋,個醬真心👍🏾👍🏾,好多料,見到仲有龍蝦肉。 素菜 - 尼排天口熱,所以聽職員建議食尼道菜,消消暑.. 食完飯之後,大仔就陪我去左灣仔街市買餸,等我今晚煮幾味,同成家好好慶祝一下😋😋