小妹LaLa早係兩、三個月前冇意係DONKI買左粉色、黃色、橙色各一包6粒,但一直都未試,直到近日清理房間,先揾返佢地.原來呢隻護髮油係數年前日本已經大熱,雖然唔係乜嘢大牌子,但估唔到甘出色,總共有5款唔同顏色,功效各有唔同,大家可以根據自己嘅髮質黎選購.超鍾意佢地嘅設計,1粒膠囊 = 1次性用量,獨立包裝感覺比較衛生保鮮,遲啲去旅行帶埋佢去超方便,體積細又輕身,唔笠又吸收快,價錢大眾化,唔同色有唔同香味,而且香味持久,爆好用,尤其橙色,好適合宜家秋冬天嘅毛躁感,大推!大愛!用完後,下次一定再入手50粒一樽.黃色(順滑光澤) - 維他命原B5同維生素A/E,滋潤頭髮,防禦紫外線粉色(染電修護) - 維他命原B5同維生素A/C/E,撫平電髮或染髮後受損髮質,減少吹乾髮嘅傷害橙色(改善毛躁) -人參+蜂蜜油,Pro維生素 B5同維生素A/C/E,改善粗糙毛髮紫色(護色保水) - 三重護理配方,滋養染後嘅頭髮,護色加保留染後頭髮健康光澤黑色(烏色亮澤) - 堅果油+蘆薈油,維他命原B5同維生素A/E,令頭髮健康亮澤使用方法：1)用係洗髮後半乾頭髮2)撕開膠囊,將護髮油倒係手掌上3)均勻塗抹係髮尾上,記住避開頭皮4)吹乾後唔駛再沖洗#護髮
