小妹LaLa計上年年尾試過佢哋2款保濕系列面膜, 今年又再試2款新面膜"美白 / 淨白",名字上感覺極之適合夏天. 同樣由台灣同日本專科實驗室共同研發,資生堂旗下品牌之一,今次用咗特殊技術令保濕分子更細小,水潤成分就更容易浸透至肌膚角質層,維持長時間濕潤. 佢哋同之前保濕系列面膜一樣,面膜紙吸咗滿滿精華,連袋裡都留有唔少精華液,可以攞黎搽頸同身體其他部位. 深層美白面膜 : 美白 / 保濕 雙重配方 除咗保濕成分"蠶絲蛋白",今次添加咗專櫃級美白成分"傳明酸". 呢隻mask連續用咗3日,但就唔多覺有美白功效,可能要長期用先知效果,如果只有保濕,不如用返上次介紹個2款保濕系列. 淨白舒緩面膜 : 美白 / 舒緩 / 保濕 三重配方 延續咗保濕成分"蠶絲蛋白"外,仲添加咗專櫃級美白成分"傳明酸"同舒緩配方"蘆薈萃取精華". 因為呢隻mask針對夏日曬後,而小妹LaLa暫時冇試過狂曬,唔知舒緩效果如何,同樣地作保濕都Ok,不過如果只作保濕,唔駛特意買呢款mask. *整體黎講上年推出個2款保濕系列超勝,而且香港宜家巳經可以買到* 無色素、無香料、無酒精 溫和低刺激,敏感肌都適合 原產地：台灣 1盒 : 7片獨立包裝 # 暫時台灣有售
