前排試左呢隻韓國出既美容機,佢有三種模式,每種模式過程為5分鐘,之後電源會自動關上. 1) 軟化角質同清潔,超聲波每秒振動達24000次,有助去死皮 (由下往上推) 2) 深層滋養肌膚,幫助肌膚吸收營養,將養分推至皮膚深層(做面膜時用最好) 3) 緊緻肌膚,恢復彈性,消除皺紋,收細無孔(拍爽膚水或精華面霜,倒轉美容機由上往下推,法令紋同臉珠可多推幾下,之後,再橫由眼頭推至眼尾,大慨用4~5次之後,黑頭粉刺會少左,毛孔都好似唔多覺) 小妹LaLa第一次試,就係soft peeling & cleansing,首先面要濕,一開機,機身會產生振動同發出BB響,將機身前端既金屬頭放係面上,然後將導頭斜斜甘沿面部由下往上輕輕力推,之後見到面上既水份化成微細小水點係導頭四濺,小妹LaLa鼻頭位置成日有死皮,鼻翼D毛孔又比較大,所以就集中係呢兩個位推,完成後,會見到導頭上有死皮"跑"出黎,明顯見到曾經重點處理過既位置乾淨左,毛孔又收細左,記住呢個過程皮膚一定要濕,所以大家可以放塊濕潔膚綿係旁邊,感覺到開始變乾就印兩印再繼續. 前日小妹LaLa突然其想,用"lifting"模式會唔會將石頭瘡變細,因為既然能收細毛孔,試下都冇妨,點至神奇地震出石頭瘡既酒米出黎,當然要將金屬頭放係石頭瘡上耐一點,其實之前試過係屋企用針清都清唔到,之後再用PAIR ACNE暗瘡膏幫手,呢個下次再介紹.
