每日番工放工已經逼夠,連部分行山熱點假日都充滿人患,係香港地放假真係唔想同人再逼,推介一個易去又就腳的行山景點俾大家-元朗河背水塘。 - 係元朗搭71 小巴到總站河背村落,約20分鐘,出發前更可以享用元朗美食,今次覓食到朋友力推的豬小姐,主打豬雜,鍾意食內臟的朋友不容錯過,這裡的豬雜是生滾的,可配米粉/瀨粉/河粉,由於是生滾,所以奉上的時候是非常高溫,冬天食是一流!豬雜份量不多,但無異味,$50/碗,我覺得可一試,不過價錢非常進取, 一次就夠。 唔太食豬內臟的我都有好多選擇,不過價錢都偏高,點了紫菜鯪魚球湯米$45,好食在個湯底,好清!但小食可以不叫,$40碟糖心皮蛋性價比極低。 點擊圖片放大 - 講番河背水塘,下車後,沿路上去行15分鐘就見到河背營地,會見到好多人黎露營,好熱鬧好正,再轉右行直行多10分鐘就已經到河背水塘,沿路斜路不多,非常易行。 - 由於第一次黎,被眼前藍綠色的湖深深吸引著,重點是遊人不多,好寧靜好舒服,原來香港都有這樣的景色! 沿住河背家樂徑行等於圍住個湖走一圈約45分鐘,中途更有芒草,雖然無大東山咁多,但都值得一去。 點擊圖片放大 +2 - 強烈推介給行山初哥,沿途都平坦,只需要行20多分鐘便可以欣賞水塘的景色!寧寧靜靜享受遠離凡囂的假日。 交通方法:元朗泰衡街總高/錦上路西鐵站搭71小巴直到總站河背村 豬小姐 網址: https://s.openrice.com/QrbS07ES000 地址: 元朗 水邊圍邨媽廟路樂富大廈1B 地下 電話: 2478 9922