以家呢d天氣, 無論大人同小朋友都可能會有兩聲咳, 我家Ramsey細佬仔之前都咳得好勁, 好返之後真係要煲多d滋潤靚湯比佢, 快d打返好個底先得呀~平時亦可以食用一d有潤肺化痰止咳的食療,希望可以提高抵抗力啦. 今次煲呢款粟米合掌瓜海底椰煲豬展湯係可以止咳潤肺, 合掌瓜係咁多的蔬果類之中,含的營養成分比較全面,不寒不燥,老少適用, 有滋潤解燥, 清肝火的功效. 而海底椰有化痰止咳,理氣潤肺等作用. 對咳喘有痰,氣逆心煩者都有幫助. 粟米合掌瓜海底椰煲豬展湯 村料: 合掌瓜: 3個 粟米: 2條 (大條) 乾海底椰:約 1 兩 豬展: 8兩 蜜棗 :2 粒 南北杏:適量 做法: 1/ 合掌瓜去皮, 去核洗淨切件 2/ 粟米洗淨切件 3/ 豬展洗淨, 先出水, 切件備用 4/ 海底椰, 南北杏同蜜棗以清水浸一浸, 洗乾淨 5/ 所有材料放水內一起煲, 大火煲1/2小時先,之後轉慢火煲1.5小時 需時: Around 2hours 我自己一般煲比孖寶飲的湯, 都唔會加鹽來調味. 其實呢款湯本身已經好清甜, 唔洗加都好好味. 如果係大人飲的可以用豬骨代替豬肉, 只係我希望清d, 無咁多油先用豬展來煲. 呢款湯真係好好味,全家都岩飲,有助强壯肺氣,亦可以幫肺病人士作調補體質之用.但要留意如果有感冒就唔好飲住啦~ 我和孖寶的Facebook Page: 荔枝與孖寶 我和孖寶的 Instagram IG#: laichimama MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
