Caydan Ramsey 都差不多7個月大, 時間真係過得好快. 養育他們是有點累, 但我們得到的快樂卻是雙倍的. 真的很感恩他們一起來到我們的生命中. 其實照顧佢地的過程當中都有唔小趣事, 都想同大家分享其中的一點. 1. 起初孖寶回家頭一個月仲要飲夜奶個陣. 我地通常都希望佢地可以舒舒服服咁飲奶, 所以飲之前都會先幫他們換片的. 孖爸試過換好細佬片片之後, 應該到要幫哥哥換片時, 他只用清水幫哥哥抹乾淨之後, 就直接又把原來污穢個條片片包返上去哥哥pat pat度. 之後到我抱起哥哥想餵奶時發現.….點解換左片, 條片都仲係咁’淋’架!? 於是又再要換過. 2.因為2個的皮膚都唔係特別好, 所以我地成日都幫佢地搽cream保濕的. 試過有一次我幫哥哥搽好了之後, 走去開門收快遞包裹. 之後洗手行返來想幫返細細搽面, 點知原來我又係搽左上哥哥面上. 變相哥哥搽了2次, 細佬一d都無搽到! 真係傻孖媽. 3.最近聽親戚講每天幫BB的手指公的手指頭按摩, 可刺激皮膚的神經線終端，同有助降低皮質醇(即壓力荷爾蒙)，減低寶寶所承受壓力，令BB重現笑容；而且BB消化系統較弱，肌膚接觸能增加消化道激素的分泌，從而增強免疫力。親戚說每手指公的手指頭每天需要按摩300下.我回家同孖爸講, 孖爸第一時間的反應係 : 每邊手指公的手指頭每天按摩300下, 咁一個BB即係要600下. 2個BB咁咪即係每日要按摩1200下……??? 我聽到之後係忍唔到咁笑左好耐, 真係好好笑……. 係呀孖爸….係1200下無錯呀! 養育孖胎每天都有很多好笑開心的趣事, 感謝天父賜予我們這個機會. 令我們可以經歷同體驗這一切. 唔知你地又有無我地咁多’’蝦碌’’野呢? 我和孖寶的Facebook Page: 荔枝與孖寶 If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
