酒鍋比我既感覺係新派既火鍋店 無論係裝修定係員工既圍裙都好modern！ 先黎可以混醬 但其實火鍋湯底夠哂濃 都唔係好使點架喇 打邊爐當然要有清潤竹蔗茅根啦！個樽好有特式～ 秘密花園 $298 超級靚既火鍋 一改對港式邊爐既印象 厚密既蛋白上鋪滿食用花 下面係海鮮喇唦湯底 真係別出心裁 火鍋配料揀左頂級安格斯牛頸脊($238)同七星報喜($88) 牛肉油花均匀 肉味都幾香 墨魚丸加入唔同蔬菜既顏色 好colourful 食上去味道冇咩大分別 但幾彈牙 即炸手工紫菜嚮鈴卷 $58 非同凡響 好好食 出面好多都會放耐左變淋 但呢個係即炸 所以勁香脆！ 而且加入左紫菜更加香口鬆脆 將佢放入湯底滾兩滾就食得 食完忍唔住再encore 綠茶心太軟 $98 自問不是綠茶控 所以比較挑剔 呢個甜點做得唔錯 外殻做得幾crispy 包住暖暖軟心 茶味甘甜不會膩 幾好食 除左例牌既雲尼拿雪糕之外 仲有蜜瓜伴碟 好有新鮮感 酒鍋當然有酒又有鍋啦 Aprilis $98 – 含清酒、玫瑰糖漿、柚子、士多啤梨利口酒及士多啤梨 Begger So $98 – 含Big Gin蒸餾酒、中國酒、中國茶、西芹及Mancino Bianco酒 兩款中我比較喜歡蘇乞衣 味道真係好特別！ 地址:尖沙咀天文台道8號2樓1號舖
