九龍城不嬲係食泰國菜既天堂 今日呢度有好多間分店既小曼谷 新開既呢一間分店 主打海鮮 叫做小曼谷海鮮燒烤屋 ：） 一去到門口嘅時候 已經見到一隻吹氣公仔係度fing下訓fing下 歡迎你入去咁樣 真係好得意呀 先睇menu是常識吧 一黎就梗係叫兩個新鮮大椰皇先啦 咁熱天飲到佢真係爽!：） 果然又大又多汁 一打開d汁好似滿瀉咁 而且一邊啲肉好鮮甜 好似去咗泰國咁哈哈 今次主要梗係試食海鮮啦 所以第一味就叫左最出夠既泰王咖喱炒海鮮 不得之了！呢個咖喱係前所未有人生食過最好食 真係好食到有果種好感動既感覺 究竟點解可以咁香滑咁好味呢？ 原來老闆話佢地既秘密係用咗雞蛋同埋花奶黎煮 唔係好似普通既咖哩咁只係用椰子汁煮架 唔怪得啦！！真係好香濃 而且海鮮份量十足 有大蜆 大蝦 魷魚 等等 隻蝦真係好大隻架 而且味道十分溫和 唔會好辣 啱哂唔鍾意食辣但又想過下咖喱癮既朋友 第二味亦都係呢間鋪頭最出名既一道菜 青芒絲伴筍殼魚 我平時好驚食魚 但係食呢個都都有少少驚喜 因為佢真係炸得好脆 但係驚喜在入邊既魚肉 係好軟同埋好有水份 一d都唔乾同唔老架 而且配合左好酸既青芒絲先真係好醒胃！ 之後就叫左一個椰子焗飯 初頭食嘅時候好似甜品因為啲飯好黏 同埋鋪滿左甜甜既椰汁同埋提子乾 點知原來食到入面係內有乾坤架 入面係有海鮮既唔錯 而且一路食 老闆都會過嚟 睇下d野食有冇問題 同我地傾下計咁樣 感覺十分親切 推介呢間店！ 雖然地理位置比較偏僻 但係食到咁飽之後行返半個鐘去太子地鐵站都抵啦～ 地址：九龍城太子道西398號御太子地下1-3號舖
