10月底既時候，係Gmarket 買左一轉野，想同大家分享，點知11月頭既時候，見到Gmarket有雙11活動，而且有個好吸引既Gmarket Secret Beauty Box推出，所以就一次過收晒D野先同大家分享啦(^^) 10月個陣會係GMARKET 買野既主要原因就係佢喇～～Tony Moly同三養聯名出既化妝品，我今次就買左佢既氣墊粉底同粉撲，真係好可愛呀！(o^^o) 佢哩個系列其實仲有胭脂、打亮、唇膏同唇釉架，全部既包裝都好吸引架，有興趣既朋友可以上Gmarket 睇下～ 氣墊粉底既包裝同三養辣雞麵杯麵既包裝一模一樣架～打開左入面，就有一個氣墊同埋一包Refill。 另外，佢哩一系列嘅產品，全部都會送1隻包裝得好似筷子既梳，同埋一包7日染髮劑～ 氣墊粉底售價：12000 won (約$85） 粉撲售價：3000 won (約$21） 第二樣最愛不釋手既產品就係IOPE既氣墊粉底。 記得一開始興起氣墊粉底既時候，最出名同多人推介既就係IOPE，但我一直都冇買黎試，今次就因為佢個星座系列既包裝，終於都入左手喇～ 佢既外殼唔同平時既氣墊係塑膠質地既，摸上手既質感好精緻，外觀真係好加分呀～ 唔好見我好似買左好多嘢咁，其實我只係買左個氣墊Set，其他都係試用品黎架～ 除左IOPE既保濕清潔試用裝之外，佢仲送左一套韓律（都係AMOREPACIFIC集團）既護膚試用，岩晒啲鐘意試新野既朋友仔呀(^_^)v IOPE氣墊粉底售價：33600 won (約$237) LANEIGE哩個牌子，我只有用過佢既Water Bank系列。無意中見到哩支粉紅色系列既，就俾佢既顏色吸引左（粉紅控^ _ ^）。 所以就上官網搵資料，發現佢係荔枝保濕舒緩系列，適合混合性至油性皮膚使用，可以提供清爽既保濕效果，令肌膚達至水油平衡，而且可以舒緩敏感問題。 夏天T字位會出油既我，基本上夏天好少會用精華，因為用完會覺得有啲笠，所以就買左哩支精華諗住夏天個陣用，睇下可唔可以做到佢講既效果啦～ 另外，佢係一set咁買架，一支精華連同同一系列既5件旅行裝+迷你Lip Sleeping Mask先係19200 won (約$135），買一支就可以試埋同系列既其他產品，真係好抵呀！ Missha既迷你唇膏套裝係網上限定既，只需12000 won (約$85）就有5支迷你唇膏，細細支帶出街好方便，唇膏控表示唔買唔得呀XD Etude House係其中一個我好鐘意既韓國品牌，佢既Collagen系列我以前用過覺得都幾好用，所以今次就買埋佢既Sleeping Pack黎試下，順便買埋支鼻影掃xd Collagen Sleeping Pack售價：10000 won（約$71） 鼻影掃售價：6000 won （約$42） 由於兩次加埋買既野太多喇，所以會分上、下兩篇，下篇將會有買G-MARKET既小Tips，有興趣既朋友可以繼續留意更新呀(o^^o) *全部產品均為自購
