4月份既時候,我去左大阪,由於係第一次去大阪,所以搵左好多資料、睇左好多間酒店,最後決定左Book哩間CROSS HOTEL OSAKA❤️ CROSS HOTEL OSAKA位於心齋橋隔離,鄰近難波站同心齋橋站,地理位置優越,無論係坐鐵路去機場,定係坐鐵路去其他地方都好方便,而且附近好熱鬧,行街、食野既店鋪應有盡有。 CROSS HOTEL OSAKA既房間除左床既類別,如:雙床房、雙人床房既選擇外,基本上可按樓層分為3種:6-11樓既Comfort Floor、12-13樓既Cross Floor、14樓既Executive Floor。 當時我Book左既係11樓既Comfort Floor,但去到個陣,好幸運地Upgrade左我地住12樓既Cross Floor。(^_^)v 房間雖然唔算好大,但係日本既酒店黎講,算係唔錯,兩個行李攤開放,依然係有足夠既空間。另外,房間仲有提供埋空氣清新+加濕機。而且有個幾大既窗,可以望到附近既景物。 床好大好舒適,而且有床頭燈。 房間提供杯、茶包、咖啡、水、電熱水器同冰桶,係樓層走廊有提供冰。 最鍾意係哩個乾濕分離既浴室❤️感覺好適舒,而且設備好齊全,仲有一張化妝椅,可以坐係到化妝。 除左一般該有既物品提供之外,仲有化妝棉、浴鹽提供。另外,Cross Floor仲會提供L’OCCITANE既沖涼用品。 浴室空間好大,浴缸同企缸都有,提供大支既POLA沖涼用品。 最後,送上一張係房間窗口影出去既相❤️ 酒店: CROSS HOTEL OSAKA 地點:大阪市中央区心斎橋筋2丁目5番15号 價錢:平日、非旺季,雙人房 約HK$10xx一晚(未連稅) 優點: – 交通方便,步行至近鐵/地鐵難波站、心齋橋站只需5-10分鐘 – 位於心齋橋附近,食野購物方便 – 可步行至道頓堀、黑門市場等地方 – 房間、洗手間乾淨舒適,設備齊全 – 隔音好好 缺點: -價格位於中間水平,如有預算、想住平少少既朋友可能需考慮價格問題 總結: 酒店既地理位置好方便,不論係購物、食野、坐車都好方便,而且酒店環境舒適,空間算大,員工好友善,十分推介!