10月既時候,我去左台北玩左幾日,今次就同大家介紹一下我住既酒店啦! 台北日記旅店-西門捷運館 位於西門町站,出左捷運站後,行大約5分鐘就去到。 房間照片: 房間大小適中,簡潔舒適 基本既設備:雪櫃、熱水煲、保險箱都有 有衣櫃及衣架~方便放衫同戰利品^ ^ 洗手間乾淨明亮 地點:台北萬華區中華路一段90號3樓 價錢:平日、雙人房 約HK$3xx-4xx一晚(未連稅) 優點: - 交通方便 - 價錢便宜,仲包埋每日既早餐 - 位於西門町商圈,食野購物方便 - 酒店大堂有熱水機、咖啡機及磅 - 房間、洗手間乾淨,設施齊備 - 房間大小適中,兩個行李箱開左放地下都可以 缺點: - 隔音較差,隔離房開門關門、其他住客係走廊講野會聽到 - 房間冇窗,通風唔好 總結: 房間性價比高,地點同環境都唔錯,適合要求唔高既旅客,平價之選!