今次6日5夜既首爾之旅，我地就住係位於鐘路三街既納法爾酒店。 會選擇哩間酒店，係因為見哩間酒店既房間都幾大下， 同埋鐘路三街站，係一個有三條線既中心站，去咩地方都較方便。 係機場坐6002巴士，一個鐘多d就到鐘路三街站， 落左車，行唔使10分鐘，就到酒店。 但因為間酒店唔係係大街，第一次揾都要d時間。 酒店位於小巷中，附近有一d整獎牌既鋪頭，環境好清靜。 酒店有十層，而我地既房間係4樓。 房間都幾大，兩個喼打開放係地下都冇問題。 而且好乾淨，仲有兩邊窗，光猛得黎又可以打開窗黎通下風。 我地原本訂左既係一張雙人床既房，但酒店好好， 安排左一間有多張單人床既房，可以用黎放戰利品^ ^ 房間入面有雪櫃，風筒，熱水壺...而且有化妝枱。 房間既洗手間都算大，而且好乾淨，仲要有浴缸^o^ 最欣賞既係佢既自動式既馬桶XD， 一坐落去，廁板會發熱，暖暖地，凍天都唔驚會凍親(^_^)v 而且當你去完廁所，個廁所會感應到你起身，自動幫你沖埋廁。 納法爾酒店大約600蚊左右一晚， 環境清靜，夠大同夠乾淨，而且交通方便，行去地鐵站5分鐘左右就到。 而且附近有好多食肆，ISSAC，韓燒，炸雞，炸醬麵，CAFE... 仲有好多睇韓劇會見到既韓國大排擋，唔使擔心附近冇野食。 酒店後面就係清溪川，有時間可以去行下。 而且酒店行去廣藏市場只需10多分鐘，都幾方便。 哩個價錢住到咁唔錯既酒店，真係幾滿意(^з^) 大家有機會，都可以住下納法爾酒店～推介～
