今年聖誕，仲係IG SHOP買左個福袋～ 買既最主要原因係想要個大蠟燭，而且福袋既價錢只係$300， $300有咁多野，其實真係好抵， 因為平時單買個蠟燭都要百幾蚊啦。 個福袋除左有蠟燭外，仲有一件Tee，一個Tote bag，一對襪， 仲包括兩件化妝品同特別禮物， 化妝品我個福袋就有bhcosmetics既雙色胭脂同MUA既唇膏， 岩晒本身想買胭脂既我^_^ 我福袋有既蠟燭隻味係WATERMELON LEMONADE， 隻味係平時我唔會揀既味， 但點落其實都幾特別，甜甜地，聞落幾舒服。 而且佢有三個燭芯， 唔想味道咁濃既可以就咁點一個～ 哈哈～最後買既係哩對企鵝生日公仔， 隻企鵝代表個日期，而頸巾就代表個月份， 佢地咁有意思咁可愛，我都忍唔住買左兩隻，同男朋友一人一隻（≧∇≦）
