香港人過關食火鍋又有新寵！今次介紹呢間長安亭院火鍋，完全係古裝劇拍攝場景，瓦頂屋、滿場紅燈籠、油紙傘、書法白布掛到滿，未食已經瘋狂打卡，氛圍感直接拉滿，絕對係深圳最有 feel 嘅中式庭院火鍋店！環境直擊｜猶如走進古代長安城一入門口即刻被震撼到！傳統中式瓦頂屋設計，迴廊、平台樓閣、木製桌椅，到處都係紅燈籠同油紙傘，牆身掛住書法白布，古色古香，真係好似穿越去大唐長安一樣。未入座已經可以同亭台樓閣、燈籠牆瘋狂影相，情侶、閨蜜約會超適合，夜晚燈光亮起更加靚，隨手影都係大片！點擊圖片放大 必點三拼鍋底｜一次滿足三個願望今次試咗店入面超受歡迎嘅三拼鍋，三種口味一次過食，鍾意試新嘢嘅朋友一定要揀呢個！龍蝦湯底（上月新登場）：鮮味濃到震！飲落鮮甜，涮海鮮、蔬菜都超鮮，完全唔會搶味貴州酸湯底：開胃必食！番茄+百香果酸香，帶少少微辣，醒胃又解膩，飲完一啖想再飲多啖牛油麻辣鍋：重口味恩物！重慶牛油香氣撲鼻，辣度夠曬勁但唔燥，越煮越香，涮肉一流 招牌菜品逐款試｜盲点都唔会踩雷冷鍋鴨血必食 No.1！滑嫩到好似豆腐咁，完全無腥味，吸晒麻辣湯精華，入味又軟腍，一啖一件停唔到安徽貢菜爽口脆身，涮完麻辣湯之後香辣入味，口感獨特，食過翻尋味耙雞爪滷到超軟腍，一抿就脫骨，鹹香入味，直接食或者涮麻辣湯都超正雲南綉球菌菌菇控必試！口感爽脆鮮甜，涮龍蝦湯最正，鮮味加倍，食得出新鮮陳村粉吸湯神器！軟滑又掛湯，浸完麻辣 / 酸湯超入味，代替米粉一樣正丹東黑豆花滑溜無比，豆香濃郁，涮完辣嘢食返兩件，解膩又清涼重慶泡泡豆干外脆內軟，煮完會漲卜卜，吸滿湯汁，口感特別又好食鮮毛肚火鍋靈魂！爽脆新鮮，七上八落涮完，麻辣香衝擊味蕾，超級過癮 凍檸茶食完火鍋必飲！茶底濃郁，檸香夠曬，冰凍解膩，平衡返麻辣感
