自從小圓出咗APP Game，我就冇乜打理MFF（除咗每日做任務攞25水晶），不過一直都有睇加拿大Youtuber Cynicalex嘅片。 今日睇咗一條片 https://www.youtube.com/watch?v=JLz5hYBJt9o 真係笑死我！！ 片中有幸被Alex點評嘅玩家，簡直係神級玩家。因為如果我係佢哋咁嘅裝，我應該會玩到好沮喪，然後棄咗game好耐。但幾位都係24小時內有登錄，所以真係要封神。 首先第一位，冇好卡！全部加哂啲垃圾屬性。而且最令我嘖嘖稱奇嘅係佢冷卻唔過15%。唔好話Shadowland，應該連World boss都好有挑戰性，除非佢手指好靈活＋部機load好順，如果咁係佢到底點T2呢？ 然後係特裝同制服都唔係好得，仲要冇反派，到底佢點養出3隻T3… 啲資源點嚟… 如果第一位嘅卡好差，第二位更令人O嘴，0%冷卻，到底佢點堅持每日玩？？而且話唔定佢太想衝70Lv，某幾個角色升到60幾Lv，有好多好角都冇升到。主要戰力（根基）唔打好，隻game好難長玩落去㗎噃… 第三位真心唔差，不過係無課。所以當然令課長Alex睇唔過眼，因為新制服睇得多，睇翻角色嘅prototype真係會睇唔慣。除左制服，Alex仲話最好攞碌柚葉沖涼因為佢洗卡手氣真係好差。 第四位真係壓軸登場，我都cap埋圖俾大家睇XDDDDDDDDDD 差啲噴到成枱都係可樂呀！8個 HP ISO-8！！！而Alex仲幫佢補鑊，話佢癲到嚟都仲有少少邏輯。因為呢個至少係加HP呀嘛。 不過總括嚟講，呢3位人辦都係話俾大家知，就算係打機，如果有唔明一定要google，睇下youtube。可能係小妹太認真，不過我真係會做Excel記錄同分析各道具各角色各商品，如果唔係，點知咩值得用、值得練、值得買？課錯金就後悔莫及啦。 You made my day Cynicalex. Thank you so much!
