一見到個介面，就好似做人父母嘅睇住自己個女咁，當然希望子女佢哋快高長大，強大又獨立架啦～ 提醒大家，正如生仔一樣，生之前一定要問下自己有冇能力養大一班化骨龍。就算俾你隻隻4星抽到都冇用，因為你冇足夠資源俾佢哋成長。 但係到底做邊樣先好？根據日本大大所見，優先序如下： Lv up（魔力強化）＞覺醒＞Magia Lv up＞解放魔女化＞＞＞…魔力解放 首先魔力強化一定要儲全能寶石++。建議儲一堆，一次過強化。一嚟搏佢出大成功同超成功。二嚟你都唔想升到5星廿幾三十呢，冇哂全能寶石++，先發現佢威力比4星80Lv仲低，過唔到較困難關卡吧？一個4星1級的魔法少女升到80級需要約79個全能寶石++，升到100級需要約126個全能寶石++。點解要魔力強化？因為如果唔係Max Lv，就冇辦法覺醒。 覺醒除咗可以提升HP、ATK、DEF到最大值之外，角色個樣會變更，最重要係多一個連攜效果同Magia效果。例如小憐連攜會多一個「必定迴避」效果，Magia會多一個「HP自動回復(自/3T)」效果。至於覺醒材料，寶玉可在覺醒結界得到，其他材料可在活動商店買到、或打主線同打支線時得到。 （見https://magireco.moe/wiki/Circle:最佳材料效率简表） 幾乎唔使點在意嘅有Magia Lv up同解放魔女化，一嚟係因此唔會有好多機會發動大招，二嚟就算Magia Lv好高，但血薄、DEF太低，都係冇用，因為係你儲到100點MP前，就已經被人KO。 解放魔女化道路漫長，要魔法少女覺醒至五星＋Magia Lv達到5級。還掂點急都急唔嚟，咁不如慢慢嚟。 魔力解放隨緣就得喇，因為好嘅結晶唔一定會俾你得到，多一張少一張其實唔係過關嘅關鍵。 參考網頁： https://appmedia.jp/magireco/757847 https://magireco.moe/wiki/魔力强化 https://appmedia.jp/magireco/997113
