首先第一樣嘢，你對小憐（五十鈴れん）有冇愛？ 第二，你有冇＄＄？ 第三，你有冇需要抽？ 回應第一個問題，建議大家先玩咗「與妳寫下的日記」，了解下個角色。如果都係冇愛嘅話，暗屬4星仲有好多，曉美焰（眼鏡ver.）、百江渚、和美、梓美冬、天音月夜、牧野郁美、雪野加奈惠、吳希里華、莉茲。根據日服schedule，下一次暗屬pick up係和美，大約係3/16左右。雖然和美同小憐都係S-rank角色，但和美係限定，多一份收藏價值，同埋和美嘅Magia係全體傷害，對冇戰略玩家嚟講，和美易用好多。 回應第二個問題，窮J如我對於打算微課慢慢儲石嘅話，小憐並不須急於入手，因為根據日服schedule，小憐pick up會翻炒，大概係下年1/4左右。 回應第三個問題，我地要睇下小憐嘅技能同戰鬥數值： 五十鈴憐（Magia） 暗屬 AABBC 連攜： 目標生存時必定追擊 攻擊力UP[Ⅶ] Magia： 對敵方單體傷害[Ⅵ] 隨HP降低而威力UP 迴避(自/1T) 4星80Lv達成 HP：17006 ATK：7239 DEF：5432 合計：29677 個人嚟講，最大嘅問題係Magia單體傷害，感覺唔係好划算。（當然，亦因小憐係Magia類型，被佢嘅Magia打到一定好痛，話唔定一技必殺，打Boss最好）睇頭係「目標生存時必定追擊」，只要敵人一日尚在，被連攜嘅魔法少女攻擊時會再追擊，攻擊次數大大增加！仲有，佢係屬於易操作嘅AABBC，攻擊力UP[Ⅶ]同隨HP降低而威力UP兩技都將自身嘅傷害力大大提高，都幾ok架！ 個人推薦度：★★★ （點可以唔抽？？：★★★★★ 冇錢都想抽啊，值得入手：★★★★ 有錢唔怕抽：★★★ 唔係好值得抽喎，不過既然你中意佢就抽啦：★★ …你打算抽嚟…儲？：★）
